Шиносоӣ бо рафти ҷамъоварии пахта дар ноҳияи Зафаробод

0
4 879 просмотров

Раиси вилояти Суғд Раҷаббой Аҳмадзода бо мақсади шиносоӣ бо раванди корҳои бунёдкорӣ, ҷараёни ғунучини пахта ва ифтитоҳи иншооти тозабунёд ба ноҳияи Зафаробод сафари корӣ анҷом дод.

Зимни сафар Раиси вилоят нахуст аз хоҷагии деҳқонии “Даҳкат”, ки дар қисмати шимолии Ҷамоати шаҳраки Меҳнатобод ҷойгир аст, боздид намуд.

Тавре дар аснои суҳбат роҳбари хоҷагӣ Исмат Холов иттилоъ дод, хоҷагии деҳқонии “Даҳкат” соли 2004 ташкил шуда, дорои 27,64 гектар замин мебошад. Кишоварзони хоҷагӣ имсол дар 0,15 га картошка, дар 20 га пахтаи навъи “Исфисор”, дар 0,50 га полезӣ, дар 1,82 га ҷуворимакка кишт карда, ҳосили дилхоҳро интизоранд. Инчунин 1,14 га боғ ва 1,80 га бедаи солҳои пешин парвариш карда мешавад. Дар хоҷагӣ 21 нафар саҳмдорон фаъолият намуда, соли 2017 дар майдони 15,43 га пахта кишт ва аз ҳар гектар ба ҳисоби миёна 30 сентнерӣ пахта ҷамъоварӣ намудаанд.

Раиси вилоят ҳангоми боздид аз пахтазори хоҷагии деҳқонӣ ба кишоварзону чинакчиён суҳбат намуда, барои бо истифода аз рӯзҳои офтобӣ ҷамъоварӣ намудани ҳосили пухта расида, аз ҷумла пахта дастуру ҳидоятҳо дод.

Дар идомаи сафар Раиси вилоят бо рафти ҷамъоварии пахта дар хоҷагии деҳқонии “Қарасақолбобо” шинос гардида, ба кори деҳқонон баҳои баланд дод. Чуноне аён гардид, саҳмдорони хоҷагӣ якҷоя бо чинакчиён ҳосили пахтаро ҷамъоварӣ менамоянд.

Хоҷагии деҳқонии “Қарасақолбобо” дар қисмати ғарбии Ҷамоати шаҳраки Зафаробод ҷойгир буда, роҳбарии онро Ҷумъабой Раҷабов ба уҳда дорад.

“Қарасақолбобо” соли 2006 ташкил шудааст ва дар он 21 нафар саҳмдорон ба кишоварзӣ машғуланд. Аз миқдори умумии замини хоҷагӣ, ки 21 гектарро ташкил медиҳад, дар 0,2 га картошка, дар 3,3 га гандум дар 0,2 га полезӣ кишт карда шудааст. Инчунин 0,7 га боғ ва 3,5 га бедаи солҳои пешин парвариш карда мешавад. Саҳмдорони хоҷагӣ соли 2017 дар майдони 10 га пахта кишт намуда, аз ҳар гектар ба ҳисоби миёна 46 сентнерӣ пахта ҷамъоварӣ намуданд. Соли ҷорӣ бошад дар 10,2 га пахта кишт карда шудааст ва пахтакорон ҳосили хубро интизоранд.

Сипас, Раиси вилоят дар Ҷамоати деҳоти Равшан бо фаъолияти хоҷагии деҳқонии “Фарҳод”, ки яке аз хоҷагиҳои пахтакор маҳсуб меёбад ошно гардид. Хоҷаги деҳқонии “Фарҳод” дорои 49 га буда, дар 20 гектари он пахта кишт карда шудааст ва кишоварзон умед доранд, ки имсол аз ҳар гектар ба ҳисоби миёна 30 сентнерӣ пахта ҷамъоварӣ менамоянд. Инчунин деҳқонони хоҷагӣ имсол 11 га гандум, 2 га ҷуворимаккаи донӣ ва 7,5 га дигар зироатҳои полезиро кишт кардаву ҳосили хуб ба даст овардаанд.

Пас аз шиносоӣ бо фаъолияти як қатор хоҷагиҳои деҳқонӣ ва рафти ҷамъоварии ҳосил Раиси вилоят ба масъулини соҳаи кишоварзӣ ва роҳбарияти ноҳия дастур дод, ки корҳои саҳроиро зери назорат қарор дода, ҷиҳати беталаф ва сари вақт ҷамъоварӣ намудани пахта корҳоро ҷоннок намоянд.

Ёдовар бояд шуд, ки соли равон кишоварзони ноҳияи Зафаробод дар 14056 гектар пахта кишт кардаанд, ки нисбат ба соли гузашта 1650 гектар зиёд мебошад. Тибқи нақша соли равон дар ноҳия бояд беш аз 27 000 тонна пахта истеҳсол карда шавад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Сообщить об опечатке

Текст, который будет отправлен нашим редакторам: