Соҳибкор Ғуломов бунёди мактаби дигарро ба уҳда гирифтааст

0
1 713 просмотров

Соҳибкор Абдухалил Ғуломов, ки декабри соли 2018 бо харҷи 21 миллион сомонӣ мактаби рақами 35-ро дар ноҳияи Рӯдакӣ ба истифода дод, бунёди мактаби дигарро барои 2 ҳазор талаба ба уҳда гирифтааст

Эмомалӣ Раҳмон, раисиҷумҳури Тоҷикистон дар доираи сафари корияш ба Кӯлоб хабар дод, ки дар маркази шаҳр соҳибкори маҳаллӣ — Ғуломов Халил бунёди муассисаи таълимиро барои 2000 нафар хонанда шурӯъ кардааст, ки то соли 2021 ба истифода дода мешавад.

Худи Ғуломов мактабсозиҳояшро як садақа хонда буд ва дар гузашта барои дастаи “Равшан”-и Кӯлоб низ кумаки молиявӣ расондааст.

Раисиҷумҳур илова намуд, ки то ҳол аз ҳисоби соҳибкорон – фарзандони шаҳри Кӯлоб 150 синфхонаи иловагӣ бунёд гардида, 15 муассисаи таҳсилоти миёнаи умумӣ аз таъмири ҷорӣ бароварда шудааст.

“Соли ҷорӣ аз ҷониби соҳибкорон дар маҳаллаҳои Чаманзору Ҷомӣ, деҳаҳои Шамсов, Файзобод, Гултеппа ва Хонобод сохтмони чандин мактабҳои нав ва даҳҳо синфхонаи иловагӣ оғоз шудааст”, — хабар дод Эмомалӣ Раҳмон.

Ӯ изҳори боварӣ намуд, ки то ҷашни 30-солагии истиқлол мушкилоти соҳаи маориф дар шаҳру деҳоти Кӯлоб пурра бартараф гардида, барои фарзандони сокинон тамоми шароити зарурии таълим муҳайё карда мешавад.

Раисиҷумҳур дар хитоб ба кормандони соҳаи маориф ва устодону омӯзгорон зарур хонд, ки ба сатҳу сифати таълиму тарбия эътибори ҷиддӣ диҳанд, омӯзиши илмҳои дақиқ ва технологияҳои иттилоотиву коммуникатсиониро дуруст ба роҳ монда, наврасону хонандагонро дар рӯҳияи баланди ватандустӣ ва худогоҳиву худшиносӣ тарбия намоянд.

Манбаъ: sputnik-tj.com

 

Нет комментариев

Также рекомендуем

Дар Кумитаи ҳолатҳои фавқулода бо намояндаи Агентии давлатии назорати молиявӣ ва мубориза бо коррупсияи Тоҷикистон вохӯрӣ доир гардид

Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади татбиқи «Стратегияи давлатии муқовимат бо коррупсия дар Ҷумҳурии Тоҷикистон дар давраи то ...

Сообщить об опечатке

Текст, который будет отправлен нашим редакторам: