Стартапҳои зудташаккулёбандаи соли 2015

0
1 730 просмотров

Ҷаҳон ба кӣ нигоҳ кард

“Асрор» соли сипаришавандаро ҷамъбаст менамояд. Дар ҳоле ки Uber, Airbnb ва Snapchat ҷаҳонро забт кардаанд, дастаҳои нисбатан ҷавон ғояҳои нав (мумкин аст, миллиардҳо)-ро дарёфтанд ва пеш рафтанд. Баъзе аз онҳо ҳатто тавонистанд даҳҳо ва садҳо миллион долларро ҷалб намоянд ва ба клуби  якшохаҳо дохил шаванд (онҳое, ки ба беш аз 1 миллиард доллар арзёбӣ мешаванд). Мо нӯҳ дастаеро, ки зиёда аз се сол қабл маҳсулоти хешро истеҳсол карда буданд ва дар соли 2015 сармоягузорон, истифодабарандагон ва ВАО-ро забт намуда тавонистанд, интихоб кардем.

Slack

Slack – мессенҷери корпоративие, ки муколамаҳо, истинод ва хидматрасониҳои гуногуни одатан дар фаъолият истифодашаванда, масалан, Dropbox, Google Docs ва шабакаҳои иҷтимоиро ба як канали иттилоотӣ ҳамҷоя мекунад. Хидматрасонӣ имкон медиҳад, ки пешрафтро дар фаъолияти лоиҳаҳои мухталиф дар як пойгаҳ (платформа) пайгирӣ кунад ва ҳамкоронро аз зарурати сӯҳбати баробар дар сомонаҳои дигар раҳо намояд.

Мессенҷери яке аз муассисони хидматрасонии аксии Flickr Стюарт Баттерфилд, ки дар соли 2014 фаъол гардид, яке аз тиҷорати босуръат ташаккулёбанда дар таърих боқӣ мондааст; бо гузашти нӯҳ моҳ  пас аз оғози расмӣ ширкат 120 миллион доллар аз Google Ventures ва дигар сармоягузорон ҷалб намуд ва ба 1,12 миллиард доллар баҳогузорӣ карда шуд.

Дар моҳи апрели ҳамон сол  Slack ба маблағи 160 миллион доллар, бо арзёбии 2,8 миллиард доллар даври сармоягузориро маҳкам намуд. Дар моҳи октябр Баттерфилд гуфт, ки аз хидматрасонии ӯ 1,7 миллион нафар истифода мебаранд. Имрӯз Slack ба 3 миллиард доллар арзёбӣ мегардад. Муассисони он чунин мешуморанд, ки дар охири сол даромади ширкат 30 миллион долларро ташкил хоҳад дод.

Avant

Хидматрасонии қарзҳои бекафолати Avant технологияи худро барои муайянкунии пардохтпазирии қарзгиранда истифода мебарад. Дар навбати худ ширкат ошкор намекунад, ки чӣ тавр сатҳи хатар ва меъёрро муайян менамояд. Avant муштариёнро бо даромади миёна ё таърихи мушкили қарзӣ дошта, ки аксаран бонкҳои анъанавӣ рад мекунанд, ҷалб намуд. Ҳисоби миёнаи қарзҳо дар Avant – 6000 доллар ва зиёдаш – 35 000 доллар мебошанд. Агар ҳангоми гузаштани расмиёти стандартӣ дар тартиботи сомона ба муштарӣ саволҳо пеш наоянд, ба таври худкор (автоматӣ) ба ӯ қарздиҳӣ маъқул дониста ва меъёри фоизӣ ба қайд гирифта мешавад (аз 9 то 39 фоиз).

Нахустин қарзи хешро Avant дар соли 2013 пешниҳод намуд ва дар ин сол  1 миллиард доллар қарзи гирифтаи истифодабарандагонро ба воситаи сомонаи avant.com бартараф намуд.

Дар моҳи апрели соли 2015-ум Avant лоиҳаи Avant Institutional Marketplace-ро ба кор андохт, ки тавассути он сармоягузорони институтсионалӣ ӯҳдадориҳои дубора харидани қарзҳоро доранд. Ин имкон медиҳад, ки ширкат паҳншавии хатарро пешгирӣ намояд.

Дар давоми се сол ширкат 1,4 миллиард доллари сармоягузориро аз фонди корхонаҳо ҷалб намуд. Тирамоҳ он 325 миллион доллари сармоягузориро ҷалб кард ва ба дастаи якшохаҳо – ширкатҳои бо сармоякунонии (капитализатсияи) беш аз 1 миллиард доллар дохил шуд.

Zenefits

Zenefits ба соҳибкорон ва HR-менеҷерҳо имкон медиҳад, ки кормандони ширкатро тавассути як пойгаҳ (платформа)-и умумӣ идора намоем. Ин пойгаҳ барои идоракунии захираҳои инсоние, ки аз рӯи намунаи фримиум фаъолият менамоянд, пешниҳод мегардад. Вазифаҳои асосии он — кироя ва мутобиқшавии кормандон, музди меҳнат, бонусҳо, рухсатӣ – ба таври ройгон аст. Zenefits бо вазифаҳои иловагӣ низ маблағ ба даст меоварад, масалан, нақши далол (брокер)-и суғуртавиро иҷро мекунад — вақте шӯъбаи кадрҳо суғуртаро тавассути Zenefits ба расмият медарорад.

Бо гузашти ҳашт моҳ пас аз оғози фаъолият, ширкат аввалин 1 миллион долларро ба даст овард. Дар охири соли 2014-ум Zenefits аз нишондиҳандаи даромаднокии 20 миллион доллар гузашт – 20 маротиба зиёд нисбат ба соли 2013. Аз пешвои соҳаи технологияи осмонии Salesforce барои наздикшавӣ ба ин рақам чор сол талаб карда шуд.

Журналистон навиштанд, ки ба он монанд, Uber соҳаи таксӣ ва Zenefits  соҳаи суғуртаи консервативиро тағйир медиҳанд. Ширкатро ҳатто дар штати Юта дар натиҷаи нофаҳмии суғуртакунандагон бастанд.

Zenefits-ро дар масири таърихи соҳаи технологияҳои осмонӣ бисёр ташаккулёбанда меноманд. Дар муддати фаъолияти хеш ширкат беш аз 1 миллиард доллари сармоягузориро ҷалб намудааст, бахусус, аз Юрий Мильнер, фондҳои Andreessen Horowitz ва General Catalyst Partners. Дар моҳи апрели соли 2015 лоиҳаро ба 4,5 милллиард доллар арзёбӣ намуданд.

Jet.com

Jet.com – ин маркетплейс, ки молҳоро бо нархи паст пешниҳод менамояд. Аз аввал Jet бояд аналогҳои онлайнии Costco мешуд, яъне маблағро на аз ҳисоби комиссия аз фурўши мол, балки аз ҳисоби ҳаққи узвияти солона дар ҳаҷми 50 доллар ба даст оварад. Муассиси ширкат Марк Лор гуфт, ки дар Jet якчанд воситаҳое ҳастанд, ки ба паст кардани нарх – масалан, майдонча масофаи байни истифодабаранда ва молҳои дилхоҳро меҳисобад. Гузашта аз ин, ба муштариёни Jet ҳангоми интихоби ин ё он имконот (опций) тахфиф ваъда карданд – масалан, агар онҳо имконияти баргардонидани мол ё пардохтро бо корти дебетӣ, на корти қарзӣ рад намоянд.

Ҳатто пеш аз ифтитоҳи расмии хеш дар моҳи июли ҳамин сол Jet худро қотили Amazon эълон карда, тавонист 230 миллион доллар ҷалб намояд. Бе тимсол дар моҳи феврали соли 2015 ширкат боз 140 миллион доллар аз Bain Capital Ventures, Accel Partners, General Catalyst Partners, Goldman Sachs ва Google Ventures ба даст овард. Яке аз сабабҳое, ки лоиҳа фавран ба сармоягузорон ва воситаҳои ахбори омма писанд омад, дар он буд, муассиси он Марк Лор дар соли 2010 аллакай худро дар бозори чаканаи онлайн (онлайн-ритейла) нишон дода, Amazon-ро ба 545 миллион доллар фурӯхт, ки он нӯҳ пойгаҳ (платформа)-и e-commerce ширкати Quidsi-ро муттаҳид мекард.

Бино ба маълумоти ширкати Channel Аdvisor, барои моҳи аввали кор аз рӯзи оғози фаъолият дар моҳи июли соли 2015 дар сомонаи Jet беш аз 150 000 нафар ба қайд гирифта шуданд, вале платформаи пешниҳодшудаи нархҳо 10-15 фоиз нисбат ба Amazon пасттар буд. Дар моҳи ноябр Jet боз 350 миллион доллари сармоягузориро ҷалб намуд, дар моҳи октябр бошад, ногаҳон қарор дод, ки ба навъи тиҷорат тағйирот ворид намояд ва аз ҳаққи узвият даст кашад ба умеди ҷалб намудани доираи васеи мизоҷон ва аз ҳама муҳимаш тамғаҳое, ки бо тахфифкунандаҳо алоқаманд будан намехоҳанд.

Ҳаммуассиси PayPal Макс Левчин, ҳаммуассиси Palantir Technologies Натан Неттингс ва ҳаммуассиси якчанд ширкати нармафзор Джеффри Кадиц хидматрасонии қарзии фаврии Affirm-ро барои кӯмак ба мағозаҳо ҷиҳати фурӯши осонтари маҳсулот ба мизоҷон, фаъол намуданд. Ширкат нуқтаи худро дар мағозаҳо – шарикон ба ҳар як маҳсулот бо пешниҳоди ба қарз харидан онҳо, ҷойгир менамояд. Технологияи Affirm меъёри қарзиро барои қарзгиранда бо такя ба базаи маълумот: шабакаҳои иҷтимоӣ, пардохти телефон, харид дар мағозаҳои дигар ва ғайра ҳисоб менамояд. Истифодабаранда маблағи маҳсулотро метавонад дар давоми як моҳ, се моҳ, ним сол ё як сол пардозад.

Миқдор – аз 0 то 30 фоиз вобаста ба таърихи қарзӣ, аксар вақт он ба 15 – 20 фоиз баробар аст. Affirm амалиёти қарзиро худ мегузаронад ва маблағро аз фоизҳо ба даст меоварад, мағозаҳои ба туфайли бо хидматрасониҳо кор кардан, имкониятҳои навро қабул менамоянд. Аз рўи маълумоти Affirm, дараҷаи иваз (конверсия) ба 20 фоиз баланд шуда, истифодабарандагон метавонанд қарзро фавран дастрас намоянд. Дар Affirm зиёда аз 100 мағозаҳо – шарикон ҳастанд. Дар яке аз сомонаҳо, Ice.com, мумкин аст ангуштарини ёқутиро ба 708 доллар барои давраи як сол бо 20 фоиз бо пардохти ҳармоҳаи 65,6 доллар ба даст оварем.

Ширкат кӯшиш менамояд мизоҷони зиёдро, ки на танҳо имконоти гирифтани қарз, балки системаҳои амниятӣ ва шаффофияти нархи ба он кафолатдиҳанда доранд, ҷалб намояд.

Affirm

Дар ин сол Affirm қарор кард, ки на танҳо ба шахсони воқеӣ, балки ба соҳибкорони хурд низ хидматрасониро пешниҳод менамояд. Дар моҳи майи соли 2015-ум ширкат 275 миллион доллари сармоягузориро ҷалб намуд, дар умум онро то 320 миллион доллар боло бардошт.

Стартапҳо чун «конструктори таъом» пешниҳод шуданд (маҷмӯаи қисмҳои муҳим ва дастуруламал (рецепт) барои омодакунии таъом дар хона. — “Асрор”), соли 2012 дар бозори амрикоӣ ба таври оммавӣ пайдо шуда, зуд ташаккул ёфтанд. Муваффақияти онҳо соҳибкорони Русияро, ки ҳамтоёни лоиҳаҳои муваффақонаи хориҷии Blue Apron, Plated и Hello Fresh-ро ихтироъ ва оғоз бахшидан, ором намегузорад. Имрӯз дар бозори амрикоӣ ширкати Blue Apron пешсаф аст, ки ҳар моҳ беш аз 5 миллион дастуруламал (рецепт) ва қисмҳоро ба он мерасонад. Дар баробари ин, ҳанӯз дар моҳи июни ҳамин сол ширкат ҳамагӣ 3 миллион маҷмӯъро барои омодакунии хӯроки нисфирӯзӣ, дар моҳи ноябри соли гузашта бошад, 1 миллион расонид. Имрӯз даромади ҳармоҳаи ширкат зиёда аз 40 миллион долларро ташкил медиҳад.

Blue Apron

Blue Apron рақибони асосии худро шурӯъ аз соли 2013 пеш гузашт. Яке аз сабабҳои шӯҳратмандии ин ширкат — дар арзонии нисбӣ мебошад. Обуна ба маҷмӯи иборат аз се таъом, барои ду нафар истифодабарандагон дар ҳаҷми 59,94 доллар барои як моҳ (9,99 доллар барои таъом аз ҳар нафар), барои маҷмӯи “оилавӣ”, ки ба чор нафар пешбинӣ гардидааст, — 139,84 доллар барои як моҳ (8,74 доллар аз ҳар нафар) барои чор таъоми гуногун, муқаррар карда шудааст. Дар рақиби наздиктарини ширкат, стартапи Hello Fresh, обуна барои ду нафар 69 доллар (11,50 доллар аз ҳар нафар), барои чор нафар – 129 доллар (10,75 доллар аз ҳар нафар) барои се таъом мебошад.

Дар моҳи апрели соли гузашта Blue Apron 50 миллион доллар ҷалб намуд бо арзёбии 500 миллион доллар аз ҷониби ширкат. Дар моҳи июни имсол бошад, стартап боз 135 миллион долларро ҷалб кард – ин навбат ширкатро ба 2 миллиард доллар арзёбӣ намуданд.

Docker

Docker зиндагиро барои барномасозон ва ширкатҳое, ки ба истеҳсол ва идоракунии барномаҳо дар абр машғуланд, осонтар менамояд. Ин нармафзоре мебошад, ки бо кӯмаки он барномаро метавон дар контейнерҳои махсуси виртуалӣ бо қисмҳо “ҷобаҷо кард” ва ба воситаи абрҳо бо ягон навъи дастгоҳ пахш намуд.

Муассиси ширкат Соломон Хайкс бо чанд нафар дӯстон корро аз болои Docker, ки дар он вақт dotCloud ном дошт, ҳанӯз дар соли 2008-ум дар таҳхонаи модари худ оғоз намуд. Доир ба Docker Хайкс қарор кард, ки дар моҳи марти соли 2013-ум дар конференсия барои Python-таҳиягарони PyCon, барои оммаи васеъ нақл кунад. Соҳибкор фикр мекард, ки лоиҳаи ӯ барои аксарият писанд меояд, вале дар толор ногаҳон 900 шунаванда ҷамъ омада буданд. Ба эҳсосот дода шуда, вай ба экрани калон саҳифаро бо код ва навиштаҷоти “Hello wowrld” баровард, аммо хатоӣ ягон монеа эҷод накарда, баръакс шунавандагонро ба лоиҳаи Хайкс мафтун кард. Дар давоми як сол аз рӯзи пахши Docker дастаи стартап аз 30 то 120 корманд афзуд ва стартапҳои дигар, ба монанди Amazon, Microsoft, VMware, Dell, HP, eBay, Yelp ва Spotify хостанд шарикони ширкат шаванд.

Имрӯз Docker дар ҳаҷми 1 миллиард доллар арзёбӣ мешавад: дар моҳи апрели ҳамин сол ширкат 95 миллион доллар, дар моҳи ноябр – боз 18 миллион доллари сармоягузориро ҷалб намуд. Ҳаҷми умумии сармоягузориҳо дар ширкат аз оғози пахш ва то охири соли 2015-ум 180 миллион долларро ташкил медиҳад.

ClassPass

Ширкати ClassPass-и Ню-йорк ба истифодабарандагони хеш пешниҳод менамояд, ки дар як моҳ 125 миллион доллар пардохт карда, дар дарсҳои мухталиф аз 2000 иштирокчиён дар барномаи фитнес-клубҳо ва толорҳои варзишӣ иштирок намоянд, бо чанд маҳдудиятҳо – ба ҳар як дарс дар як моҳ метавон танҳо се маротиба ташриф овард. Обунаи ClassPass-ро харида, истифодабаранда метавонад машқҳоро дар толорҳои варзишии Лондон, Ванкувер, Сидней, Ню-Йорк ва даҳҳо шаҳрҳои дигар гузаронад.

Муассиси ClassPass Паял Кадакия аз овони хурдсолӣ бо рақс машғул шуда, дар аввал кӯшиш мекард хидматрасонии дарёфти майдончаҳои варзишӣ ва ҷудо кардан (брон)-и дарсҳо таҳти унвони Classtivity-ро таъсис диҳад, аммо ин лоиҳа номуваффақ гардид. Дар натиҷа Кадакия оид ба таъсиси обуна дар як нархи муайян гузашт ва дар моҳи июни соли 2013 барномаи ClassPass-ро баровард. Дар соли аввал тавассути ClassPass беш аз 50 000 машғулият брон карда шуд, дар соли 2014-ум шумораи бронҳо то 1 миллион, дар соли 2015 – то 4,5 миллион афзуд. Дар моҳи марти соли гузашта ширкат 2 миллион доллар, дар моҳи сентябр – боз 12 миллион доллар ва бо гузашти ҳамагӣ чор моҳ, моҳи январи соли 2015-ум боз 40 миллион долларро ҷалб намуд, бо арзёбии 200 миллион доллар. Охирин сармоягузориҳо ба ClassPass дар моҳи ноябри ҳамин сол 30 миллион долларро ташкил доданд.

Instacart

Ширкати таъсисёфтаи Instacart дар Сан-Франсиско дар шуниданҳо гӯё чанд сол аст. Он ба истифодабарандагон имкон медиҳад, ки ба осонӣ ва зуд маҳсулотро аз мағозаҳои мухталиф ба хона фармон диҳанд ва дастрас намудан ба ҳисоби миёна камтар аз 1 соат аст. Instacart на танҳо ба дастрас намудани маҳсулот ҷавоб медиҳад, балки мустақилона нархи маҳсулотро муайян мекунад – нархгузорӣ метавонад 10-20 фоизро ташкил диҳад, барои дастрасӣ бошад, бояд 3,99 доллар пардохт намоем.

Имрӯз стартап дар 18 шаҳри ИМА фаъолият карда, маҳсулотро аз чунин мағозаҳо, ба монанди Whole Foods ва Costco пешниҳод менамояд. Дар ширкат зиёда аз 300 нафар, дар фаъолияти нопурра бошад – 1700 нафар кор мекунанд.

Дар оғози соли 2015-ум маҷаллаи Forbes ширкати Instacart-ро дар нуфузи ширкатҳои бисёрумедбахши Амрико дар мақоми аввал гузошт. Солҳои 2013-2014 даромад (фоида)-и ширкат беш аз даҳ маротиба афзуд ва дар моҳи январи соли 2015-ум 100 миллион долларро ташкил намуд. Дар се соли мавҷудият ширкат тавонист 250 миллион долларро ҷалб намояд ва ба клуби якшохаҳо дохил шавад – имрӯз Instacart ба 2 миллиард доллар арзёбӣ мегардад.

Дигар натиҷаҳои соли 2015:

7  ҳодиса ва  нишондиҳандаҳои аз ҳама гарони соли 2015

Стартапҳои зудташаккулёбандаи соли 2015

Ислоҳотчиён (реформаторон) дар соли 2015-ум ҷаҳонро тағйир доданд

Дар соли 2016-ум зиндагии мо чӣ хел тағйир меёбад: Самтҳои асосии иқтисодӣ

Ин нобарорӣ аст: Дар бизнеси асосӣ – нокомиҳои сол

Владимир Милов: Боварии одамон ба беҳтаршавӣ қатъ шуд

_ Андрей Мовчан. Барои чӣ Россия баҳонаҷӯӣ мекунад ва ин бо чӣ ба охир мерасад _

Дар омода кардани мавод дастаи медиапортали “Тироз” иштирок намуд.

Нет комментариев

Также рекомендуем

Сообщить об опечатке

Текст, который будет отправлен нашим редакторам: