Дар Театри мазҳакавӣ — мусиқии ба номи Камоли Хуҷандии маркази вилоят ба муносибати Рӯзи сохтмончиён ҷамъомади тантанавӣ баргузор шуд.
Раиси вилояти Суғд Раҷаббой Аҳмадзода зимни суханронии худ кулли сохтмончиёнро ба иди касбиашон табрик гуфта, нақши сохтмончиёнро дар ободонии Ватан назаррас арзёбӣ кард.
Таъкид гардид, ки имрўзҳо мардуми шарифи Тоҷикистон дар арафаи ҷашни Истиқлолияти давлатии Ҷумҳурии Тоҷикистон қарор доранд.
Ин санаи фархунда боиси ифтихори ҳар як шахси ватандўст ва худогоҳу хештаншинос буда, барои кулли кормандони соҳаи сохтмону меъморӣ мубораку фараҳбахш маҳсуб меёбад. Зеро, маҳз бо ташаббус ва дастгириҳои беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят иншооти бузург, аз ҷумла нақбҳои Истиқлолу Шаҳристон, роҳҳои мошингарди Душанбе – Хуҷанд – Бўстон – Чаноқ, Айнӣ – Панҷакент, хатти интиқоли барқи баландшиддати Ҷануб – Шимол ва Гулистон – Ашт, қитъаи роҳи Деҳмой – Исфара, мактабу варзишгоҳҳо ва иншооти варзишӣ, қасрҳои мўҳташами фарҳанг ва боғҳои фарҳангию фароғатӣ, азхудкунии заминҳои нав, мумфаршкунии роҳҳои автомобилгард, бунёди иншоотҳои соҳаи маориф ва тандурустӣ мавриди баҳрабардорӣ қарор гирифтанд.
Раҷаббой Аҳмадзода иброз дошт, ки аз ҷониби мақомоти иҷроияи ҳокимияти давлатии вилоят ва шаҳру ноҳияҳо Нақша – чорабиниҳо бахшида ба 30 – солагии Истиқлолияти давлатии Ҷумҳурии Тоҷикистон таҳия карда шудааст, ки мувофиқи он дар вилоят зиёда аз 3 000 иншоотҳои гуногун сохта ба истифода дода мешавад, ки барои баланд бардоштани сатҳи зиндагии мардум шароит фароҳам меоварад. Иншоотҳои гуногунсоҳа маҳз бо талошҳои пайвастаи сохтмончиён бунёд мешавад. Изҳори умед карда шуд, ки бинокорони вилоят барои боз ҳам обод намудани Ватани соҳибистиқлоламон заҳмат кашида, 30-солагии Истиқлолияти давлатиро бо дастовардҳои шоиста истиқбол менамоянд.
Сипас, дар вазъияти тантанавӣ ба беш аз 20 нафар кормандону собиқадорони соҳаи сохтмон Сипоснома вп туҳфаҳои хотиравӣ тақдим карда шуд.
Барои болидахотири иштирокчиёни ҷамъомади тантанавӣ аз ҷониби санъаткорони вилоят барномаи фарҳангӣ пешниҳод карда шуд.
Манбаъ: Хадамоти матбуоти Раиси вилояти Суғд
Нет комментариев