Семоҳаи ҳисоботии дуюм барои ширкати Apple, чун анъана бо рақамҳои фурӯши нисбатан паст хос аст. Одатан баландтарин талабот барои истеҳсоли себӣ, дар охири соли тақвимӣ (семоҳаи ҳисоботии I-ум) ба мушоҳида мерасад. Дар навбати аввал, ин асосан бо муаррифии тирамоҳии Apple, инчунин тахфифҳои соли навӣ вобастагӣ дорад. Аммо таҳлилгарон ақида доранд, ки ширкати себӣ метавонад фурӯши баланди iPhone-ро дар аввали ин сол низ нишон диҳад.
Ҳамин тавр коршиносони ширкати таҳлилгароии UBS пешгўиҳои пешакии худро муҳокима намуда, ҳоло имони комил доранд, ки дар семоҳаи ҷорӣ, Apple тақрибан 58 миллион смартфонҳои худро ба фурӯш хоҳад гузошт. Пештар аз ин, таҳлилгарон ин рақамро ба 54 миллион баробар карданд. Ба ҳар бобат, ин афзоиши бузург аст нисбат ба 43.7 миллионҳои iPhone, ки Apple дар ҳамин давраи соли 2014 фурӯхта буд.
Гуфта мешавад, ки дар таърихи худ, ширкат танҳо ду маротиба тавонистааст аз нишонаи 50 миллион смартфонҳои фурӯхташуда боло гузарад, ин ду маротиба дар охири сол ба вуқӯъ пайваста буд. Дар охири соли гузашта бошад, вай тавонист ба муваффақият ноил гардад. Дар семоҳаи аввали молиявии соли 2015, купертиновчиён 74,5 млн iPhone-ро ба фурӯш гузоштанд.
http://yablyk.com/
Афзоиши фурӯши смартфонҳои себӣ, аз ҷумла давраҳои ором, ба бисёр омилҳо вобастагӣ дорад. Нақши на чандон охирро, дар ин ҷо бозори кушодашуда ва босуръат инкишофёфтаи Чин бозид. Ҳамчунин таъсири муайянеро ба ин нишондод, истифодабарандагоне, ки аз платформаи Android ба IOS гузаштаанд, расониданд. Ин рақамҳо нишон медиҳанд, ки тақрибан 20% -и соҳибони смартфонҳои Samsung, қарор доданд iPhone-ро дастрас кунанд.
Сарчашма: matrix-tv.tj
Нет комментариев