Аксари одамон ба худ ваъда медиҳанд, ки аз рӯзи якуми январ зиндагии худро аз варақи тоза оғоз мекунанд. Шумо ба зиндагии наву дигаргуна омода ҳастед? Ба саволҳои санҷишнома ҷавоб гуфта, муайян кунед, ки Шумо одами асри ХХI ҳастед ё ҳанӯз ҳам дар асри ХХ дармондаед?
- Бо шунидани ибораи «компютер» чӣ кор мекунед?
А) Сарамро меқапам.
Б) Китоби луғатро ба даст мегирам, зеро чӣ буданашро намедонам.
В) Мушакро гирифта, аз пайи кор мешавам.
- Оё бо интернет шинос ҳастед?
А) Бо чунин насаб касеро намешиносам-3.
Б) Каму беш мешиносам, вале хуб донистанашро намехоҳам-2.
В) Бале, мо қариб, ки ба ҳамдигар хешу табор шудаем-1.
- Бо ибораҳои ҳозиразамони интернетӣ шинос ҳастед?
А) Тамоман намедонам-3.
Б) Каму беш медонам-2.
В) Хеле хуб медонам-1.
- Маошатонро тавассути корт гирифтан мехоҳед ё нақд?
А) Мисли солҳои пеш, нақд-3.
Б) Бо корти кредит, ин хеле осон аст-3.
В) Ҳам ину ҳам он-2.
- Боре қарзи истеъмолӣ гирифтаед?
А) Бале-1.
Б) Не, вале дар оянда ният дорам-2.
В) Магар чунин намуди қарз вуҷуд дорад?-3.
- Ба ақидаи Шумо винчестер чист?
А) Милтиқ-2.
Б) Диски сахти компютер-1.
В) Бозии ҳарфҳо-3.
- Ба харидорӣ намудани мол тавассути интернет чӣ назар доред?
А) Вақтҳои охир молҳои гуногунро тавассути интернет харидорӣ менамоям-1.
Б) Баъзе чизҳоро харидаам, вале доим аз интернет харид намекунам-2.
В) Боре аз чунин усул истифода набурдаам ва бурданӣ ҳам нестам-3.
- Телефони мобилӣ барои Шумо чист?
А) Бозичаи қиматбаҳое, ки бе он зиндагиямро тасаввур карда наметавонам-1.
Б) Танҳо чизи даркорӣ-1.
В) Ман телефон надорам -3.
- Аз гадҷетҳои гуногун истифода мебаред?
А) Ин чӣ аст?-3.
Б) Дар зарурат-2.
В) Аксаран-1.
- Ба фикратон компютер ба кӯдакони синни томактабӣ фоида дорад?
А) Бале, кӯдак ба зудӣ рушд меёбад-1.
Б) Не, дар ин синну сол кӯдак бояд бо ҳамсолонаш вақт гузаронад-3.
В) Компютер ба волидон даркортар аст, то ки ҳангоми кор доштанашон кӯдаконро машғул намояд-2.
Холҳои гирифтаатонро ҷамъ карда, бо натиҷа шинос шавед
10-16 хол
Шумо ба ҳама чизи наве, ки ҳаёт пешкаш менамояд, омода ҳастед, вале ҳама чиз меъёр дорад. Кӯшиш намоед, дар муҳити виртуалӣ раҳгум зада, аз аҷоиботи олами воқеӣ бехабар намонед.
17-23 хол
Шумо навигариҳоро аз нуқтаи назари амалӣ қабул мекунед ва барои худ манфиатбахш буданашро фаҳмед, рад намекунед, вале ба чизҳои замонавӣ таваҷҷуҳи сахт надоред. Фаромӯш насозед, ки чунин навгониҳо барои фарзандону набераҳои шумо ҷолибанд.
24-30 хол
Шумо одами замони қадим ҳастед, вале баъзе дастовардҳои ҷаҳони муосирро ба эътибор гирифта, зиндагиатонро сабук карда метавонед. Дуо мекунем, ки дар соли нав аз уҳдаи ин кор баромада тавонед.
Нет комментариев