Ширкати амрикоии Freescale Semiconductor дар ҷаҳон аввалин шуда, масъалаи нерӯгиии беноқилро барои смартфон ва планшетҳо, ки нисбат ба дигар дастгоҳҳои нерӯгиранда бо иқтидори се баробар зиёд кор мекунад, баррасӣ намудааст, хабар додааст портали CNews .
Намояндагони ширкат гумон доранд, ки коркард барои дастгоҳҳои неругирандае, ки бо ғунҷоиши баланд кор мекунанд, аз қабили планшет ва баъзе смартфонҳо пешбинӣ шудааст. Бо вуҷуди ин, вақти нерӯгирии гаҷҷетҳо қатъиян кӯтоҳ карда мешавад. Ҳамин тавр, барои нерӯгирии пурраи планшетҳои ғунҷоиши батареяҳояшон 4000 мАч, ки бо кӯмаки ноқили USB нерӯ мегиранд, 8 соат лозим аст. Дар ширкат иттилоъ дода шуд, ки коркарди нав ин вақтро то якчанд соатҳо кӯтоҳтар месозад.
Қарори мазкур аз чипи MWCT1012, ки тарҳ (контур)-и интиқоли энергияро идора мекунад, ҳамчунин чипи дуюми WPR1516, ки ба кори тарҳқабулкунанда ҷавобгӯ аст, иборат мебошад. Ширкат ҳамчунин канора (прошивка) ва интерфейсҳои барномасози (API)-ро пешниҳод месозад. Он ба истеҳсолкунандагон имконияти ба дастгоҳҳояшон ворид намудани функсияҳои иловагиро медиҳад.
Дастгоҳи ширкати Freescale Semiconductor бо маъруфтарин нерӯдиҳандаи стандартии бе сими Qi, ки бо коркарди он Wireless Power Consortium машғул аст якҷоя карда шудааст. Ҳамин тавр, онро метавон барои нерӯгирии дастгоҳҳое, ки қаблан истеҳсол шуда буданд, истифода бурд. Аммо дар ин вазъият, он наметавонад иқтидори баландро ба даст орад.
Айни замон ба рӯйхати смартфонҳое, ки дорои стандарти Qi мебошанд, чунин намунаҳо, ба монанди Nexus 4, Nexus 5, Lumia 928, Lumia 929, Lumia 930, Lumia 1020 ва ғайраҳо дохил мешаванд. Аксарияти дастгоҳҳоро метавон бо истифода аз лифофаи тарҳ (контур)қабулкунанда нерӯдор намуд.
Ширкат фурӯши нахустин маҳсулоти технологияи мукаммалшударо, дар нимаи аввали соли 2015-ум ба нақша гирифтааст.
Сарчашма: http://hitech.newsru.com/article/09dec2014/freescal
Нет комментариев