6 медали тиллои хонандагони тоҷик дар Ҳиндустон

0
606 просмотров

Аз 25 то 31 июли соли 2017 дар Ҷумҳурии Ҳиндустон Олимпиадаи байналмилалии наврасон «InIMC 2017» аз фанни математика баргузор шуда, 4 даста Ҷумҳурии Тоҷикистонро муаррифӣ намуданд.
Тавре аз Муассисаи давлатии «Маркази ҷумҳуриявии дарёфт ва рушди истеъдодҳо» хабар доданд, дар олимпиадаи мазкур хонандагони Муассисаи давлатии таълимии «Мактаби байналмилалии Президентӣ» дар шаҳри Душанбе, Муассисаи давлатии таълимии «Литсей барои хонандагони болаёқат» дар шаҳри Душанбе, литсейи инноватсионии шаҳри Душанбе ва Муассисаи таълимии хусусии Литсей-интернати Тоҷикистону Россия «Ҳотам ва П.В» миёни  довталабони 41 давлати дунё ба гирифтани 6 медали тилло, 5 медали нуқра ва 9 медали биринҷӣ мушарраф гардиданд.
Ҳамзамон  1 даста аз Ҷумҳурии Тоҷикистон сазовори мақоми аввал ва 2 дастаи дигар сазовори мақоми сеюм шуданд.
Ғолибонро кормандони Муассисаи давлатии «Маркази ҷумҳуриявии дарёфт ва рушди истеъдодҳо», волидон ва намояндагони воситаҳои ахбори омма бо гулу гулдастаҳо ботантана дар «Фурудгоҳи байналмилалии Душанбе»  истиқбол гирифтанд.
Дар маҷмӯъ хонандагони тоҷик аз аввали соли 2017 ба Ватан 119 медал (20 медали тилло, 40 медали нуқра, 59 медали биринҷӣ) овардаанд.

Манбаъ: АМИТ «Ховар»

Нет комментариев

Также рекомендуем