Тадқиқотчиёни русиягии ширкати Positive Technologies дар бораи имконияти шикаста шудани аккаунти Facebook бо ёрии рақами телефони мобилие, ки он ба аккаунт вобаста карда шудааст, қисса карданд. Ҳамин тавр, аккаунтҳоро дар дигар хадамотҳо низ, ки имконияти барқарор кардани паролро бо ёрии смс-паёмак пешниҳод мекунанд, шикастан мумкин аст.
Таҷрибаҳо оид ба шикастани аккаунтҳо дар Facebook ва WhatsApp гузаронида шудаанд, хабар медиҳад Cnews. Тадқиқотчиён норасогию камбудиро дар суратҷаласаи (протокол) Signalling System No тадқиқ намуданд. SS7 ба онҳо имкон дод, ки смс-паёмро барои барқарор кардани парол ба рақами истифодабарандагон дубора равона намояд.
Рамзи фиристодашуда барои дигар кардани рамзи аккаунти Facebook истифода бурда шуд. Усули истифодабурдаи онҳо дар дигар хадамотҳо низ, ки тавассути смс-паём ивазнамоии рамз амалӣ гардонида мешавад, амал мекунад.
Моҳи гузашта аллакай хакерҳо имконияти шикастани аккаунтҳоро дар WhatsApp ва Telegram тавассути SS7 нишон дода буданд. Ин суратҷаласа дар соли 1975-ум муқаррар карда шуда, он ба алмалигардонии интиқоли зангҳои телефони мобилӣ байни марказҳои коммутатсионӣ ва операторони мухталиф имкон медиҳад. Ба ғайр аз ин, суратҷаласа барои роуминг истифода бурда мешавад. Яъне, агар муштарӣ ба кишвари дигар сафар намояд, операторҳо бо ёрии SS7, бо оператори хонагии муштарӣ мубодилаи ахборот менамоянд. Моҳият дар он аст, ки барои SS7 манбаи паём муҳим нест. Паёмҳое, ки аз рўйи ин суратҷаласа дода мешаванд, пешакӣ таҳқиқ ва безараршуда ҳисобида мешаванд.
Чунин ҳисобида мешавад, ки смс барои иловатан бехатар гардонидани истифодабарандагон иконият медиҳад, вале дар асл паёмҳо бехатариро устувор намегардонанд, зеро ин гуна функтсияҳо дар асоси инфрасохтори суст офарида мешаванд. Маълум шуд, ки сустии SS7 барои ташкилотҳои тиҷоратӣ манфиатовар будааст. Ҳамин тавр, бо ёрии онҳо ширкати Ability-и Изроил ба фармоишгар таъқибнамоии далелнокро аз пайи ҳама гуна телефони мобилӣ пешниҳод менамояд. Яъне он имконият дорад, ки бо гўш кардани гуфтушунид ва дастрас кардани смс, мавқеи ҷойгирии телефонро ба фармоишгар хабар диҳад. Барои аз байн бурдани ин камбудӣ дар суратҷаласа ба операторони алоқа кофист, ки фаерволро бо қойдаҳои махсус насб намоянд. Ба истифодабарандагон бошад, тавсия дода мешавад, ки рақами телефони мобилии худро дар сарчашмаҳои интернетӣ нанависанд.
Сарчашма: www.tiroz.org
Нет комментариев