Ҷаласаи корӣ дар ҳузури Сарвазир

0
462 просмотров

Дар  ҳузури  Сарвазири  мамлакат  Қоҳир  Расулзода вобаста ба татбиқи нишондиҳандаҳои асосии Паёми Президенти Ҷумҳурии Тоҷикистон ба Маҷлиси Олӣ доир ба тақвияти иқтидори истеҳсолоти ватании воридотивазкунанда  ва дастгирии соҳибкорӣ  ҷаласа  баргузор  шуд.
Тавре таъкид гардид, ибтидои соли равон Сарвари давлат дар Паёми солона ба Маҷлиси Олӣ шиддат гирифтани ваъзи сиёсии минтақаҳои гуногуни олам, таъсири бӯҳрони иқтисодиву молиявии ҷаҳонӣ, ноустувории бозорҳои ҷаҳонии молия ва ашёи хом, инчунин дигар омилҳои манфии ба рушди иқтисоди кишвар таъсиррасонро пешбинӣ намуда, Ҳукумати мамлакатро вазифадор намуданд, ки бо истифода аз ҳамаи захираву имкониятҳои мавҷуда сиёсати самараноку афзалиятноки воридотивазкуниро дар соҳаи истеҳсолӣ роҳандозӣ ва татбиқ намояд.
Дар ҷаласа оид  ба рафти иҷрои дастуру супоришҳои роҳбарияти давлату ҳукумати ҷумҳурӣ вобаста ба  рушди истеҳсолоти ватании воридотивазкунанда ва дастгирии соҳибкории ватанӣ ахбороти  роҳбарони вазорату идораҳои дахлдори мамлакат  шунида шуд.
Бо назардошти масъалаҳои дар ҷаласа муҳокимагардида, Сарвазири мамлакат роҳбарони  вазорату идораҳои дахлдор  ва дигар масъулони соҳаро вазифадор намуд, ки барои кам кардани таъсири омилҳои беруна ба иқтисодиёт, таъмини мунтазами бозори истеъмолии кишвар бо захираҳои молӣ бо истифода аз имконоти дохилӣ, афзун намудани ҳаҷми истеҳсоли молу маҳсулот, таъмини бемайлони талаботи аҳолӣ бо маҳсулоти асосии озуқаворӣ  ва истифодаи ҳатмии захираву имкониятҳои мавҷуда тадбирҳои саривақтӣ андешида, барои  дар назди Ҳукумати Ҷумҳурии Тоҷикистон таъсис додани Комиссияи доимамалкунандаи тақвияти истеҳсолоти воридотивазкунанда ва рушди содирот ба Ҳукумати  мамлакат  хулосаҳои асоснок пешниҳод намоянд.

Дар ин бора  khovar.tj хабар медиҳад.

Нет комментариев

Также рекомендуем