“Арӯси тоҷик” мардуми Чинро тасхир намуд

0
179 просмотров

Дар қароргоҳи Созмони ҳамкории Шанхай дар Пекин таҳти унвони “Арӯси тоҷик” намоишгоҳи мусаввараҳои рассоми маъруфи Чин Ян ЯЯ ифтитоҳ гардид.

Намоишгоҳ ба зебоии занони тоҷик бахшида шудааст, ки Ян Яя барои таҷассуми он дар корҳои офаридаи худ кӯшиш ба харҷ додааст. Зимни суханронӣ дар маросими ифтитоҳи намоишгоҳ Дабири кулли СҲШ Рашид Олимов қайд кардааст, ки рассоми ҷавон зимни фатҳи қуллаҳои Помир дар Тошқӯрғон (Ноҳияи Мухтори Синтзян-Уйғур, Чин) дар баландии 4 ҳазор метр бо одамони софу дилкушод ва ҳамбаста бо табиат зиндагидошта — тоҷикон вохӯрда, барои худ олами пур аз равшании офтоб ва муҳаббати бузургро кашф кардааст. Гуфта мешавад, яке аз расмҳои офаридаи Ян Яя “Арӯси тоҷик” ба намоишгоҳ номгузорӣ шудааст.


Рассоми Чин аз малоҳату дилфиребиаш аз зебоии занони тоҷик сухан гуфта, ҳамроҳ бо Дабири кулли СҲШ аз расми асосии намоишгоҳ – “Арӯси тоҷик” парда бардоштанд. Намояндаи махсуси Чин оид ба умури СҲШ, сафир Сун Литсе қайд кардааст, ки ин расм ба эҳсоси самимият, дарки анъана ва расму оинҳои мардуми тоҷик имкон медиҳад.

Ҳамчунин Ян Яя ҳамчун туҳфа ба Котиботи СҲШ расми “Дугонаҳо”-ро тақдим намуд, ки дар он симои ҳашт чавонзанони кишварҳои узви Созмон таҷассум ёфта, аз дӯстӣ ва бовари умумии духтарон ба ояндаи нек гувоҳӣ медиҳад.

 

Нет комментариев

Также рекомендуем

Финансируемые сферы АБР в Таджикистане.

Энергетика и транспорт остались самыми крупными получателями финансирования Азиатского банка развития (АБР) в 2017 году в Таджикистане. На долю этих секторов пришлось 48,3% и 31,7%, ...
%d такие блоггеры, как:

Сообщить об опечатке

Текст, который будет отправлен нашим редакторам: