Қасри фарҳанги Ҷамоати деҳоти Ворухи шаҳри Исфара навсозӣ мешавад

0
365 просмотров

Раиси вилояти Суғд Раҷаббой Аҳмадзода зимни сафари корӣ ба Ҷамоати деҳоти Ворух ба вазъи корҳои азнавсозии Қасри фарҳанги ҷамоатошноӣ пайдо намуд.

Мавриди зикр аст, ки дар доираи эълон гардидани солҳои 2019 — 2021 “Солҳои рушди деҳот, сайёҳӣ ва ҳунарҳои мардумӣ» ва бо дастгирии Мақомоти иҷроияи ҳокимияти давлатии вилояти Суғд ин иншоот, ки солҳои сол дар ҳолати ҳузнангез қарор дошт, навсозӣ мегардад.

Раиси вилоят аз ҷараёни корҳои сохтмонӣ изҳори қаноатмандӣ намуда, баҳри бо сифати баланд ва бо истифода аз ҳунарҳои миллӣ тавсеа додани корҳои азнавсозӣ ба сохтмончиён дастуру супоришҳо дод.

Тасмим гирифта шуд, ки дар ошёнаҳои якум ва дуюми Қасри фарҳанг бунёди толори ақди никоҳ, китобхона, утоқҳо барои маҳфилҳои мухталиф ва кошонаи ҳусн ба роҳ монда шавад.

Барои азнавсозии Қасри фарҳанг аз буҷети вилоятӣ маблағҳои зарурӣ ҷудо гардида, алҳол корҳои сохтмонӣ вусъати тоза мегиранд.

Раиси вилоят бо фарҳангдӯстони деҳоти мазкур мулоқот намуда, ҷиҳати таҳкими фарҳангӣ миллӣ, тарбияи ҷавонон дар рӯҳияи ватанпарастӣ, ба роҳ мондани маҳфилу барномаҳои фарҳангӣ, эътибор додан ба китобхонии насли наврас, бахусус мактабиён, гузаронидани озмунҳои ҳунарӣ, ба намоиш гузоштани филмҳои таърихӣ дастуру ҳидоятҳои муфид дод.

Воқеан ҳам азнавсозии Қасри фарҳанг дар яке аз ҷамоатҳои баландкӯҳи ҷумҳурӣ, ки дорои 650 ҷойи нишаст хоҳад буд, ба рушди фарҳанги миллӣ ва ҳунарҳои мардумӣ мусоидат хоҳад кард.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Муборизаи ҷаҳон алайҳи ДИИШ

Гурӯҳи “Давлати исломии Ироқу Шом (ДИИШ)” дар Тоҷикистон террористӣ эътироф шуда, фаъолияташ расман манъ шудааст. Ин қарор бо пешниҳоди Прокуратураи генералӣ аз ҷониби Суди олии ...
%d такие блоггеры, как:

Сообщить об опечатке

Текст, который будет отправлен нашим редакторам: