Аудиторияи Facebook наздик ба 2 миллиард нафар расид

101

Ширкати Facebook нишондиҳандаҳои молиявиро барои семоҳаи якуми соли 2017 нашр кард. Бино ба маълумот, даромади шабакаи иҷтимоӣ дар асоси солона ба 49 фоиз — то 8 миллиард доллар ва фоидаи соф — ба қадри 76 фоиз, то ба 3 миллиард доллар зиёд шуд.
Аз ҳама ҷолиб он аст, ки аз Facebook алҳол дар як моҳ 1,94 млрд нафар — яъне, қариб чоряки тамоми аҳолии Замин (7,5 млрд) истифода менамоянд. Ин нисбат ба семоҳаи якуми соли 2016 ба андозаи 17 фоиз зиёдтар аст. Аудиторияи ҳаррӯзаи сомона ба 1,28 миллиард нафар расид, ки аз соли гузашта 18 фоиз бештар аст.

Facebook

Ширкат ҷалби кормандон, ҳамзамон сармоягузориро барои коркард ва таҳқиқот фаъолона идома медиҳад. Бо ин мақсад дар семоҳаи якум Facebook 1,16 миллиард доллар сарф кард ва шумораи умумии кормандон то ба 18 ҳазору 770 нафар расид, ки нисбат ба соли 2016-ум 38 фоиз зиёд аст.

Директори генералии Ширкати Facebook Марк Сукерберг аз чигунагии таъсири шабакаи иҷтимоӣ ба ҷомеа бештар дар ташвиш аст. Якум, ӯ зиёд намудани воҳиди кории модераторонро ба 3 ҳазор нафар (илова ба 4500 нафари ҳозира) эълон намуд, ки ба арзу шикоятҳо ҷавоб дода, маводи ноқобилро тоза хоҳанд кард. Дувум, Сукерберг ваъда дод, ки минбаъд низ воситаҳоро дар маъракаҳои алайҳи иттилооти бардурӯғ, ки аз ҷониби давлат маблағгузорӣ мешаванд, ҳамзамон ахбори қалбакӣ амалӣ менамояд.

Манбаъ: The Verge
http://hitech.vesti.ru/

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.