Ҳайати Тоҷикистон дар 50-умин Конфронси ҷаҳонии солимии шуш иштирок дорад

0
479 просмотров

Ҳайати Тоҷикистон дар 50-умин Конфронси ҷаҳонии солимии шуш, ки дар шаҳри Ҳайдарободи Ҳиндустон доир шуда истодааст, иштирок дорад.

Тавре АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад, ба ҳайати Тоҷикистон директори Маркази ҷумҳуриявии ҳимояи аҳолӣ аз бемории сил Аслиддин Раҷабзода, директори маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Бибихонум  Дарвешзода, директори Муассисаи давлатии «Маркази бемориҳои сил, шуш ва ҷарроҳии қафаси сина» Фируз Шарипов ва дигарон шомил мебошанд.

Гуфта мешавад, ки дар он табибону коршиносони созмону ташкилотҳое, ки дар самти мубориза алайҳи бемориҳои шуш, аз ҷумла сил фаъолият менамоянд, иштирок ва табодули таҷриба мекунанд.

«Инчунин роҳбарияти созмонҳои мухталифи ҷаҳонии дар ин ҷода фаъолиятдошта, ки дар конфронс иштирок доранд, лоиҳаҳои минбаъдаро барои мубориза  бо бемориҳои шуш, аз ҷумла сил пешниҳод менамоянд», — афзуд манбаъ.

Дар конфронс ваксинаи нави пешгирӣ аз бемориҳои сил муаррифӣ гардидааст, ки таҳаввулоти ҷадидеро дар бахши силшиносӣ ба вуҷуд хоҳад овард.

Шӯрои байналмилалии мубориза бо бемории сил, ки ташкилкунандаи конфронси мазкур мебошад, 140 давлати дунёро фаро гирифта, мақсад дорад то соли 2025 сатҳи гирифторшавӣ ба бемориҳои шуш, аз ҷумла силро дар ҷаҳон, махсусан дар Ҳиндустон коҳиш диҳад.

Ёдовар мешавем, ки 50-умин Конфронси ҷаҳонии солимии шуш 30 октябр оғоз гардида, то 2 ноябр идома меёбад.

Манбаъ: АМИТ Ховар

Нет комментариев

Также рекомендуем

Курс валюты на сегодня 12.09.2017

НБТ с целью бухгалтерского учета и оплаты таможенной пошлины определил официальный курс иностранной валюты сегодня, 12 сентября, следующим образом: 1 доллар США = 8.8078  сомони, ...

Сообщить об опечатке

Текст, который будет отправлен нашим редакторам: