Банан

0
673 просмотров

Бананро ҳанӯз хангоми сабз буданаш аз дарахт мекананд. Истеъмоли он барвақт бошад ҳам, вале барои аз як қитъа  ба қитъаи дигар  воридот намудани он айни муддао  мебошад.  Бананро мекананд, мешӯянд, ба қуттиҳои  махсус ҷой  мекунанд ва тавассути  киштиҳо  ба ҷои муайяншуда  мефиристонанд. Агар ҳарорат  то 14 дараҷа  гарм бошад, пас  бананҳои сабз  ба муддати  50-шабонарӯз  ҳам  пухта намерасанд. Барои он, ки  банан дар вақти  муайяншуда  пазад, куттиҳои  онро ба камераҳои  иқлимӣ  ҷой медиҳанд.  Дар ин камерҳо дар баробарии  ҳарорат  ва  намӣ боз ба таркиби  атмосфера низ  аҳамият дода  мешавад.  Дар ин камераҳо  ҳосили банан  дар муддати 6 рӯз  пухта мерасад.  Айнан дар ҳамин муддат  хлорофили  сабзи пӯсти  банан  вайрон гашта  ба зардшавӣ  оғоз  мекунад ва крахмали  он ба  шакар  мубаддал мегардад.  Лекин бархе аз фурӯшандагон  6 рӯзи  пухтнаи бананро  интизор намешаванд ва ин технологияро  вайрон мекунанду баъд аз 2-3 рӯз  бананро ба фурӯш  мебароранд.  Дар ин  ҳолат банан  маззаашро гум мекунад ва рангаш низ зард  намешавад.  Бананҳое, ки  хамагӣ  2-3 рӯз  дар камераҳои  иқлимӣ  ҷойгир шудаанду  ба пуррагӣ  аз технология  нагузаштаанд, бо кафидани пӯсташон  фарқ мекунанд.  Нуктачаҳои  ҷигарранги  пӯсти банан маънои онро дорад, ки  ин ҳосил  пухта расидаасту  истеъмоли он  фоиданок аст.

Нет комментариев

Также рекомендуем