Бананафон ба фурӯш мебарояд!

0
113 просмотров

Сарфи маблағро ба iPhone 8 як тараф гузоред, зеро акнун Шумо метавонед барои худ Бaнaнaфoни амалкунандаро харидорӣ намоед – агар Шуморо лавозимот (аксессуар)-и “себин” дилгир карда бошад, пас “бананавӣ”-ро бихаред.

Маъракаи ҷамъоварии маблағ барои Indiegogo нақша дорад тирамоҳ “Телефони бананавӣ”-ро истеҳсол намояд, зеро бе шубҳа дар инсоният ғояҳо барои лавозимот (аксессуар)-ҳо ба охир расидааст.

Бананафон-1

Ба ростӣ, Бaнaнaфoн – ин ба пуррагӣ телефон нест. Ин “банан” бо дастгирии Bluetooth ба смартфони Шумо пайваст мешавад ва бароятон имкон медиҳад, ки зангҳо аз дастгоҳи асосии Шумо қабул карда шаванд, аз ин сабаб ҳоло ба партофтани iPhone-и худ саросема нашавед.

Вале дар ин ҷо бартарӣ ё худ афзалияти дигаре ҳаст: дар бораи Бaнaнaфoн ҳатто суруде эҷод шудааст:

Аллакай имрӯз Бананафонро метавонед ба маблағи 40 доллар харидорӣ намоед. Он дар реҷаи гуфтугӯ метавонад то 10 соат кор кунад ва дар он чанд тугмача мавҷуд аст, масалан, барои ҷавоб додан ба занг ва ғайра. Инчунин лавозимот (аксессуар) метавонад ёвари овозии Siri ё дигарро фаъол гардонад, аз ин хотир ҳамеша Шумо метавонед рақамчинии овозиро истифода баред.

Агар Шумо барои худ то ба ҳол дастгоҳро дархост накардаед, мумкин аст ин ҷавонмардон фикри Шуморо тағйир диҳанд:

Созандагони “телефони бананавӣ” мегӯянд, ки вазифаи асосии дастгоҳи онҳо – ин “табассум дар чеҳра ва сӯҳбатҳои дилгирнакунанда аст”.

Як фоизи даромад аз фурўши телефон ба фонди «Gearing Up», ташкилоти ғайритиҷоратие, ки дар самти нигоҳ доштани қавми гориллаҳо фаъолият дорад, ворид мешавад. То ба ҳол, маъракаи Indiegogo беш аз 9500 доллар ҷамъ кардааст ва то ба ҳанӯз ба нишондиҳандаи ҳадафноки 30 000 доллар нарасидааст. Барои ин ҳамагӣ як моҳ боқӣ мондааст, аз ин лиҳоз, агар Шумо Телефони бананавии худро доштан хоҳед, беҳтараш шитоб намоед. Хизматрасонии дастраснамоӣ дар тамоми ҷаҳон фаъол аст.

Манбаъ: https://hi-tech.mail.ru/

Нет комментариев

Также рекомендуем