Беш аз 180 давлат ба ташаббуси тақсими ваксинаи зидди коронавирус пайвастанд

0
224 просмотров

То ҳол бештар аз 180 кишвар ба механизми байналмилалии COVAX пайвастаанд. Дар ин бора 12 октябр корманди калони илмии СУТ Сумя Сваминатан ҳангоми брифинг изҳори назар кард, -хабар медиҳад ТАСС.

Мақсади механизм — таъмини одилонаи ҳамаи кишварҳо бо ваксинаҳои зидди  коронавирус пас аз пайдо шудани онҳо мебошад.

“Механизми COVAX ривоҷ меёбад. Ба он зиёда аз 180 кишвар, аз ҷумла Чин ҳамроҳ шудааст. Дар ин кишварҳо маҷмӯан 99% аҳолии ҷаҳон зиндагӣ мекунанд”, — гуфт Сваминатан.

COVAX бунёди иншооти истеҳсолиро дастгирӣ мекунад ва ба харид машғул аст. Тибқи шартҳои барнома, кишварҳое, ки сатҳи баланди даромад доранд, маблағи хариди ваксинаҳоро пардохт мекунанд. Онҳо ба ин восита ба ин соҳа маблағгузорӣ ва ба давлатҳои маблағгузоришаванда кумак менамоянд.

Тибқи нақшаҳо, дар доираи механизм то охири соли 2021 бояд 2 миллиард доза ваксина истеҳсол ва баробар тақсим карда шавад.

Манбаъ: АМИТ «Ховар»

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: