Бибиотунҳои шаҳр соҳиби либоси ягона шуданд

0
313 просмотров

Дирӯз  Раиси шаҳри Хуҷанд Раҷаббой Аҳмадзода бо раисони шӯрои занҳои кумитаи маҳаллаҳо, занони фаъол, аъзоёни шӯрои бибиотунҳои маркази вилоят мулоқоти корӣ анҷом дод.

Раҷаббой Аҳмадзода кори ҷаласаро ифтитоҳ намуда, қайд намуд,ки дар интиҳои сол баргузории ин чорабинӣ ба хотири  натиҷагирӣ аз фаъолияти кори шӯрои занҳои маҳалла ва бибиотунҳои шаҳр аст.

Раиси шаҳри Хуҷанд Раҷаббой Аҳмадзода бобати фаъолияти шӯъбаю бахши номбурда ва  шӯрои бибиотунҳои шаҳр изҳори назар намуда, таъкид намуд, ки шароити имрӯза дар пешорӯи сохторҳои номбурда вазифаҳои муҳим мегузорад.

Раиси шаҳри Хуҷанд талаб намуд, ки дар кумитаи маҳаллаи шаҳри Хуҷанд баргузор намудани сӯҳбату мулоқот ва чорабиниҳои мухталиф доири баланд бардоштани мақоми зан ва оилаидорӣ, эътибори ҷиддӣ нисбати масъулияти волидайн дар тарбияи  фарзанд, тарғиби фарҳанги либоспӯшии миллии занон, пешгирии онҳо аз ҳурофоту гаравидан ба андешаҳои зиддидавлатӣ, риояи ҳатмии талаботи қонуни Ҷумҳурии Тоҷикистон дар бораи расму оин ва анъанаҳо, камхарҷ чораҳо андешида, фаъолияти асосии шӯрои занҳо ва бибиотунҳо, фаъолзанон аз муҳимтарин амалҳои зикргардида бояд бошад.

bibiotunnn

Агарчанде дар қиёс бо солисипаригашта 154 ҳолати камтар ҷудошавии оилаҳо дар шаҳри Хуҷанд ба назар расад ҳам лек боз ҳам дар  мавриди таҳкими арзишҳои оила ва оиладорӣ корҳои зиёдеро ба анҷом расондан лозим аст.

Раҷаббой Аҳмадзода тарҳу дӯхти либоси ягонаи бибиотунҳои шаҳрро иқдоми хуб арзёбӣ намуда, ба раисони шӯрои занони маҳалла низ доштани либоси ягонаро тавсия намуд.

Ҳамзамон дар чорабинӣ 20 нафар хаткунандагони маҳфили омӯзишии «Зан-роҳбар», ки дар назди Шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд амал мекунад, гувоҳномаи хатми ин маҳфил супорида шуд.

Дар интиҳо раисони шӯрои занҳои маҳаллаҳо, занони фаъол ва бибиотунҳо бо тӯҳфаҳои хотиравии  Раиси шаҳри Хуҷанд қадрдонӣ шуданд. Дар ин бора аз хадамоти матбуотии Раиси шаҳр иттилоъ медиҳанд.

Нет комментариев

Также рекомендуем

Пешгирии коррупсия –тақозои замон

Тибқи ҷадвали баргузории вохўрии якҷояи масъулини шуъбаи маъмурию ҳуқуқии дастгоҳи Раиси вилояти Суғд, комиссияи ҷамъиятӣ оид ба пешгирии коррупсияи вилоят, Иттифоқи волидайни сарбозони вилоят, Шўрои ...