Тавре қаблан иттилоъ дода будем, дар доираи сафаи худ Сафири фавқулодда ва мухтори шоҳигарии Шветсия дар Ҷумҳурии Тоҷикисон Оке Петерсон аз шаҳри Исфара боздид намуд. Ба иттилои Иқбол Тешаев, сухангӯи шаҳрдорӣ раиси шаҳри Исфара Даврон Зоҳидзода бо Оке Петерсон мулоқот намуд. Дар ҷараёни мулоқот масоили муҳиме чун сатҳу дараҷаи ҳамкориҳои тарафайн судманди Мақомоти иҷроияи ҳокимияти давлатии шаҳри Исфара бо ташкилотҳои байналхалқӣ, шарикони рушд ва бахши хусусӣ, рафти амалигашти лоиҳаҳои иҷтимоии аз ҷониби САҲА дастгириёфта, вазъи минтақаҳои сарҳадӣ ва роҳандозии муносибатҳои неку дӯстона бо ҳамсоягон, раванди муҳоҷирати меҳнатӣ, мавқеъю мақоми занон дар ҷомеа, мустаҳкамнамоии заминаи моддию техникии марказхои захиравии бонувон, роҳҳои пешгириву мубориза алайҳи радикализму экстремизм мавриди баррасӣ қарор ёфтанд. Сафири фавқулодда ва мухтори шоҳигарии Шветсия дар Ҷумҳурии Тоҷикисон Оке Петерсон ба шаҳрдори Исфара нисбати сатҳи шоистаи қабулу пазиройӣ изҳори сипос намуда, ҳамзамон вобаста ба нақшаву ният ва барномаҳои иҷтимоии тарҳрезинамудаи Созмони Амният ва Ҳамкории Аврупо дар шаҳру навоҳии вилояти Суғд, алалхусус барои шаҳри Исфара ибрози назар кард. Тавре зикр гардид, то ин муддат бо дастгирии САҲА як силсила лоиҳаҳои хурди пешниҳоднамудаи ташкилотҳои чамъиятии Исфара бо маблағи умумии 105 ҳазор евро дастгирӣ ва амалӣ карда шудаанд. Мавсуф омодагии Сафорати шоҳигарии Шветсия дар Ҷумҳурии Тоҷикисон ва ҳам идораи Созмони Амният ва Ҳамкории Аврупо дар шаҳри Хуҷандро ҷиҳати мусоидат баҳри баланд бардоштани потенсиали ташкилотҳои ҷамъиятӣ, дастгирии лоиҳаҳои хурд оид ба ташкили корхонаҳои истеҳсолӣ барои занони Исфара ва таъмини иштироки бонувон дар раванди демократикунонии ҷомеа изҳор дошт. Ҷойизи зикр аст, ки ин нахустин сафари Оке Петерсон ба Исфарамарз буд ва дар раванди боздид ӯро сарвари идораи Созмони Амният ва Ҳамкории Аврупо дар шаҳри Хуҷанд Шанджив Тиручел ҳамроҳӣ дошт. Оке Петерсон ва ҳамроҳонаш баъд аз анҷоми мулоқот бо шаҳрдори Исфара аз Маркази захиравии бонувони шаҳр ва ҳам бахши дар шаҳраки Нафтобод амалкунандаи он боздид ба амал оварданд. Дар ин бора sugd.tj иттилоъ медиҳанд.
Ифтитоҳи бинои нави аэровокзали Фурудгоҳи байналмилалии Хуҷанд бо иштироки Пешвои миллат
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави аэровокзали Фурудгоҳи байналмилалии Хуҷандро расман ба истифода доданд. Бояд гуфт, ...
Нет комментариев