Боздиди Раиси вилояти Суғд аз мавзеи «Баҳористон» -и шаҳри Истаравшан ва ноҳияи Ғончӣ

1
1 015 просмотров

Имрӯз, Раиси вилояти Суғд Абдураҳмон Қодирӣ бо як сафари корӣ ба мавзеи Баҳористони шаҳри Истаравшан ва ноҳияи Ғончӣ ташриф овард. Абдураҳмон Кодирӣ бо фаъолони шаҳри Истаравшан ва ноҳияи Ғончӣ мулоқот намуд. Зимни мулоқот бо сокинони ҷамоати Яхтани ноҳияи Ғончӣ, таъкид гардид, ки дар ин мавзеъ барои беш аз 25 ҳазор нафар аҳолии Истаравшану Ғончӣ шаҳраки нави Баҳористон бунёд мешавад.

Дар ин мавзеъ наздик 20 муассисаи иҷтимоӣ, аз қабили мактабу боғчаи кӯдакон, бунгоҳҳои тиббӣ, марказҳои савдо, боғи фаҳангӣ ва ғайраҳо бунёд хоҳанд ёфт.

Раиси вилоят аз соҳибкорону фаъолон даъват ба амал овард, ки дар бунёди муассисаҳои хусусӣ ва биноҳои баландошёна саҳм гузоранд.

Абдураҳмон Қодирӣ таъкид намуд, ки бо дастуру супоришҳои Сарвари давлат мӯҳтарам Эмомалӣ Раҳмон роҳбарияти мақомоти иҷроияи ҳокимияти давлатии вилоят барои таъмин намудани сокинон бо манзили зист чорарҳои зарурӣ меандешад.

Раиси вилоят дастур дод, ки барои дар оянда таъмин намудани сокинони Истаравшану Ғончӣ бо манзили зист бояд ба корҳои бунёдии шаҳраки Баҳористон таваҷҷӯҳи ҷиддӣ зоҳир карда шавад. Хамзамон таъкид гардид, ки то санаи 1 сентябр ба мавзеи Баҳористон об оварда, ба корҳои  бунёдкорӣ мусоидат карда шавад. Иттилоъ дода шуд, ки дар марҳилаи аввал 8 чоҳи амудӣ кофта хоҳад шуд.

Сипас  Раиси вилоят бо деҳқонони хоҷагии деҳқонии «Агротоҷ»- и ноҳияи Ғончӣ мулоқот намуда, барои рушди соҳаи кишоварзӣ ва гирифтани ҳосили баланд аз навъҳои гуногуни зироатҳо, аз ҷумла харбуза маслиҳатҳои муфид дод.  Дар ин бора хабарнигори Радиои Тироз иттилоъ медиҳад.

1 comment

  1. Комрон 5 Июнь, 2015 at 14:20 Ответить

    Хеле хуб. Агар хамин хел сафархои кории Раиси вилоят зиёд шавад, бовари дорам, ки дар ягон гушаи вилоятамон чойхои нообод намемонад.

Опубликовать новый комментарий

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: