Бозичаҳо барои арчаи солинавӣ бо дастони худ

0
518 просмотров

Дар рӯзҳои охири моҳи декабр кас мехоҳад, ки бо дастони худ ҳамроҳи фарзандон барои арчаи солинавӣ бозичаҳо тайёр кунад. Бахши маслиҳати портали мо бароятон чанд намунаи омода кардани бозичаҳои солинавиро бо дастони худ пешниҳод мекунад.

Намунаи якум:

Бозичаҳо  аз фурӯзонакҳо

Агар дар хонаатон фурӯзонакҳои корношоями давраи шӯравӣ боқӣ монда бошанд, метавонед ба онҳо умри дубора бахшед. Аз чунин фурӯзонакҳо метавон бозичаҳои ҳайратангез омода кард. Дар онҳо бо рангҳои акрилӣ тасвирҳо кашида, баъдан рӯйяшро бо локи ороишӣ оро диҳед.

elka 1

Тӯбчаҳои солинавӣ аз ресмон

Ресмонро дохили ширеш намуда, ба пуфаки то андозаи дилхоҳ дамкардашуда, печонед. Вақте ки ширеш хушк мешавад, пуфакро бо сӯзан сӯрох карда, оҳиста аз боқимондаи пуфак тоза кунед. Тӯбчаҳои солинавии аз ресмон омодашударо, метавонед бо барфи сунъӣ оро диҳед.

elka 2

Ороиши тӯбҳои солинавӣ

Ба тӯбчаҳои муқаррарӣ метавонед,  асолат ва намуди дигар бахшед. Тӯбчаҳоро метавонед бо нақши ангуштон ё панҷаи кӯдаконатон оро диҳед. Албатта ин тӯбчаҳоро дар худ нигоҳ доред, бо гузашти вақт онҳо бароятон хеле арзишманд хоҳанд шуд.

elka 3

Ҳамчунин, дар тӯбчаҳои шаффофи солинавӣ метавонед аксҳои худро ҷой диҳед. Ё ин ки композитсияи солинавиро дар дохили тӯбча ҷойгир кунонед. Бо кӯмаки пораи часпаки дутарафа (скоч) арчаи хурдакакеро дар дохили тӯбчаи шаффоф часпонед, баъдан ба болояш каме шакар резед.

elka 4

Эҷодкорона оро додани  тӯбчаи солинавӣ бо тугмаҳо 

ellka 5

Ороиши тӯбчаи шаффоф бо диск

Дискро бо кӯмаки қайчӣ ба қисмҳои хурд ҷудо мекунем, баъдан пораҳои ҳосилшударо бо ширеш ба рӯйи тӯбча мечаспонем. Дар мобайни тӯбча метавонед порчаи чизҳои ҷилоҳдор: матои зарбофт, коғази зарҳалӣ илова кунед. Ҳангоми фурӯзон кардани чароғакҳои солинавӣ, ин тӯбчаҳо хеле зебо медурахшанд.

elka 5

Тӯбчаи барфин бо дастони худ

elka 7

 

Сохтани чунин композитсия аз тахайюлоти шумо вобаста буда, барои иҷрои ин амал метавонед зарфҳои шишагиро, ки аз мураббо, қаҳва ва ғайра боқӣ мондаанд истифода баред.

Ин буд, чанд маслиҳати мо роҷеъ ба тайёр кардани бозичаҳои солинавӣ, таманно мекунем, ки соли нави омадаистода бароятон хотирмон бошад!

Нет комментариев

Также рекомендуем

КАК ВЫБРАТЬ КРАСКИ И КИСТИ ДЛЯ РЕБЕНКА?

Не зря говорят, что с появлением собственного ребенка, вы получаете внеплановый отпуск в детство, у вас появляется уникальная возможность снова познавать, находить, терять, удивляться, восторгаться ...