Чемпионҳои ҷаҳон аз Тоҷикистон

0
506 просмотров

Дар мусобиқаи ҷаҳонӣ оид ба варзиши вазнбардорӣ, ки “World raw powerlifting federation” доир кард, варзишгарони тоҷик 4 медали тилло ва 2 медали нуқра ба даст овардаанд. Тоҷикистонро дар ин мусобиқа 4 варзишгар, Муҳаммадалӣ Мирзоев, Мустафо Абдуев ва Парвиз Одинаев намояндагӣ карданд. Ин чорабинӣ аз 24 то 29 октябр дар шаҳри Москва доир шуд. Тибқи маълумоти расмии “World raw powerlifting federation”, дар ин мусобиқаи ҷаҳонӣ ҳудуди 2000 варзишгар аз 30 давлати дунё ширкат варзидаанд. Мусобиқаи вазнбардорӣ дар намудҳои поуэрлифтинг, дуҳарба, жим лежа, баргузор шудааст. Дар ин мусобиқаи вазнбардорӣ Муҳаммадалӣ Мирзоеви 18-сола аз шаҳри Панҷакент дар байни ҷавонон дар вазни 82,5 кило 2 медали тилло ва як нуқра, Мустафо Абдуев дар вазни 67,5 кило 1 медали тилло ва 1 медали нуқра, Парвиз Одинаев дар вазни 82,5 кило 1 медали тилло ба даст оварданд. Ёдовар мешавем, ки моҳи апрели соли равон чанд нафар аз вазнбардорони тоҷик дар мусобиқаи Осиё дар давлати Қазоқистон ширкат намуда, сазовори ҷойҳои ифтихорӣ гардида буданд.

 

Манбаъ: сомонаи расмии телевизиони «Варзиш»

 

Нет комментариев

Также рекомендуем