Даҳ намуди мобилиҳое, ки қабл аз пайдо шудани iPhone мавқеи баландро соҳиб буданд

0
108 просмотров

Чанде қабл фурӯши смартфонҳои муосири iPhone 6 ва iPhone 6 Plus, ки дар ҷаҳон шӯҳрати беандоза доранд, оғоз гардид. Барои ин дастгоҳҳои расмӣ дар Руссия лозим аст, ки маблағи муносиб, яъне аз 800 то 1200 доллари ИМА-ро ҷудо намуд. Аввалин iPhone соли 2007-ум пешкаши тамошобинон гардида буд. Саволе ба миён меояд, ки он замон истифодабарандагони оддӣ ва ҳаводорони дастгоҳҳои муосир кадом намуди телефони мобилиро кор мефармуданд?

Маҷмӯи телефонҳои маъмулро бароятон пешниҳод мекунем, ки то соли 2007 пайдо шуда буданд.

Барои муайян намудани нархномаи телефонҳо, мо ба нархи аввалини фурӯши он такя намудем, нархномаҳо дар Руссия аз рӯи ҳисоби тахминӣ мувофиқат мекарданд.

  1. Nokia № 90 (2005, $ 1300)

Ин смартфон яке аз асосгузорони ҷадвали N-Series, ба ҳисоб мерафт. Андозаи вай касро дар тааҷҷуб мегузошт, зеро он ба хишт монандӣ дошт. Ғафсии он дар маҷмӯъ 24 мм-ро ташкил дода, вазнаш бошад ба 173 г баробар буд. Новобаста ба андозааш, смартфон дар байни дигар рақибонаш шӯҳрати беандоза дошт, чунки  бо камераи 2-мегапиксели, ки бо оптикаи истеҳсолкунандаи номӣ Carl Zeiss ва чароғак (вспышка) муҷҷаҳаз гардонида шуда буд. Бо ин камера ҳатто дар андозаи 320×254 пиксел наворгирӣ кардан мумкин буд, ки аз ҷиҳати сифат дар бозор ҷои намоёнро ишғол менамуд. Ғайр аз камера, таваҷҷӯҳи харидоронро формфактори ғайриоддӣ ба худ ҷалб намуда буд. Истифодабаранда метавонист экранро кушода, онро ба 90 градус гардонад. Ҳамин тавр смартфон ба баъзе видеокамераҳо монандӣ пайдо мекард. Дастгоҳ ба воситаи Symbian 8.1 кор мекард, ки  миқдори зиёди таъминоти барномавиро пешакӣ муқаррар мекард. Маҳз ҳамин OC-и мобили ҳамон давра дар ҷаҳон маъруф гардида буд. Смартфон баъди ба 800 доллар поён рафтани нархаш,  ҳаводорони зиёд пайдо намуд.

  1. Sony Ericsson k750 (2005, $700)

Ин телефон дар замони худ қадру қиммати беандоза дошт. Дар он сарпӯши калон кор фармуда мешуд, ки дидгоҳи (глазок) камераро муҳофиза мекард. Ҷадвали К аз Sony Ericsson гӯё ки «камерафон»-ҳоро бо телефони ба наворгираки сифати хуб дошта, муттаҳид менамуд. Дастгоҳ ба туфайли сифати хуби наворгирӣ, ҳамчунин лифофаи қуллай доштанаш шӯҳрати дучанд пайдо намуд.

Муваффақияти телефонро сифати баланди расмҳои ба навор гирифта шуда, хусусиятҳои баланди автономӣ ва ҳамчунин коромӯзиаш муқаррар намуданд. Телефонро аксарияти воқеанигорон яке аз беҳтарин дастгоҳҳои муосир номиданд, якчанд суратгирон бошанд, бо кӯмаки он фотосессия гузарониданд, ки баъдан дар маҷаллаҳои ҷилонок дарҷ гардиданд.

  1. Nokia 6300 (2007, $250 )

Ин телефонро ҳоло ҳам дар дасти баъзе истифодабарандагон дидан мумкин аст. Муваффақияти он дар намуди зоҳирии мунтазам нигоҳдошташуда, ҳамчунин лавозимотҳои ҷадвали 6ххх, ки таҳти ҳимояи истеҳсолкунандаи финӣ буд, ки асосан ин дастгоҳро барои истифодабарандагони корчаллон истеҳсол менамуд, дида мешуд. Пӯлоди зангногир дар тана, ғафсии хурд (ҳамагӣ 11,7 мм ) ва андозаи ихчам ба телефон шӯҳрати бардавом оварданд. Интихоби рангҳо низ дар пайдо кардани шӯҳрат нақши асосиро бозидааст: Рангҳои нуқраги, сиёҳ, сафед, сурх, қаҳваранг ва тиллоии рӯи телефон, ба ин смартфон имконият доданд, ки он на танҳо дар кисаи корчаллонҳои мулоҳизакор, балки хонумон низ бошад.

  1. Nokia 8910i (2003, 650$)

Ин телефон бо моҳияти кушодаи гайриоддӣ ва танаи титанӣ диққати харидоронро ба худ ҷалб намуда буд. Барои дастрасӣ пайдо кардан ба тугмачаҳои (клавиатура) ин телефон, ки хеле ноқуллай буданд, тугмаҳои рӯи экранро мебоист пахш намуд, баъди ин амал телефон бо овози махсус ба кор шурӯъ менамуд. Ин ҳолатро, яъне зуд-зуд кушода пӯшиданро мо ҳангоми интизори тайёра будан ё ки дар вохӯриҳои расмии қарор доштани истифодабарандагони смартфон мушоҳида менамудем. 8910i нахустин телефони дорои чунин имкониятҳо дар ҷадвали Nokia набошад ҳам, лекин он дар қатори дигар дастгоҳҳои муосир мавқеи худро пайдо  намудааст.

  1. Motorola RAZR V3 (2004, $650)

Боз як намояндаи дигар, ин дафъа аз Motorola хоҳад буд. Он аз дигар дастгоҳҳо бо тарҳи худ фарқият дошт. Телефон профили маҳин дошта, навъи маъмули формфакторӣ-кушодаву пӯшондашаванда (раскладушка)доро буд, тугмачаҳои он бошад аз лавҳаи металлӣ сохта шуда буд, ки дар он электролюминесентсияи тугмачаҳои равшаншуда ҷой дода шудаанд. Ғафсии он аксашро аз номи  худ (RAZOR-бритва) пайдо намудааст. Ингуна дастгоҳ дар бозор хуб пазируфта шуда, ширкат 130 миллион RAZR V3-ро ба фурӯш гузошт.

Дар ин дастгоҳ экрани хуб, камераи оддӣ, хизмати Bluetooth ва GPRS Class 10 мавҷуд буд, лекин ин чиз на он қадар муҳим арзёби мегардад. Маҳз намуди диққатҷалкунандаи ин дастгоҳ боис гардид, ки он ба қатори  яке аз навгониҳои аҷиб дохил шавад. Телефон пайравони зиёд дошт, лекин онҳо натавонистанд каме бошад ҳам мисли асосгузори ҷадвали мазкур чунин мақомро соҳиб шаванд ва ҳамчунин аз ӯҳдаи тағир додани рангҳо бароянд.

6.Motorola E398 (2004, $340)

Яке аз навъҳои маъмули ширкати мазкур ба ҳисоб меравад, ки барои сифати хуби баландгӯякҳояш, нархи дастрас ва намуди диққатҷалбкунандааш дар дили мардум ҷой гирифтааст. Дабдабаи асосии ин дастгоҳ, пайваст намудани ларзиш (вибрция) дар зарби навои мусиқии гузошта шуда мебошад. Батареяро ҷои дардноки ин дастгоҳ ҳисобидан мумкин аст, зеро он танҳо ба як-ду рӯз мерасид. Шояд ин ҳолат ҳоло хандаовар менамояд, лекин солҳои 2004-ум дар хариду фурӯш ин нишондодҳо монеа эҷод мекард ва он диққати ҷиддиро талаб менамуд. Смартфон ду сол боз истеҳсол мегардад, лекин аз рӯи андозаҳои мобилӣ ин мӯҳлати хеле ҷиддӣ ба шумор меравад.

  1. Siemens SX1 (2003, $650)

Аввалин смартфон аз ширкати Siemens дар системаи оператсионии Symbian 6.1 фаъолият мебурд. Вай аз дигар дастгоҳҳо, нахуст бо ҷойгиршавии тугмачаҳо, ки дар ду тарафи экран бо блоки рақамӣ пайваст шуда буд, фарқияти калон дошт. Ин тарзи ҷойгиркунӣ на ба ҳамаи истифодабарандагон писанд афтода буд, албатта ин ҳолат хангоми фурӯш низ таъсири манфии худро расонид. Бо вуҷуди ин смартфон бинобар ба дигар дастгоҳҳо монандӣ надоштанаш,  гирди худ гурӯҳи зиёди ҳамфикронро ҷамъ овард. Ҳамин тавр нархи он дар бозор паст фаромад, лекин ин тадбир шӯҳрати ӯро дар байни ҷавонон бештар намуд.

Samsung D500 (2005, $700)

Слайдер аз ширкати Samsung, аз нигоҳи воқеанигорон (обозреватель) ба баҳои баланд сазовор буда, он ҳамзамон аз ҷониби дигар истифодабарандагон низ хуб пазируфта шуд. Он дорои лавозимоти зиёд буд, ки ҳамчунин нақши баландгӯякро иҷро менамуд.

Намуди зебо, ҷамъи маводҳои хушсифат, кори босуръати платформаҳо ва формфакторҳо ба қавле кори худро ба дараҷаи аъло иҷро намуданд. Телефон дар байни омма мавқеи баландро соҳиб шуд, ки дар натиҷа истифодабарандагоне, ки пештар телефонии мобилии кореягиро бозичаи бачагона ҳисобида, онро бо дастгоҳҳои ширкатҳои Nokia  ва Motorola баробар кардан намехостанд, акнун ба истеҳсолкунандагони кореягӣ таҳсину офарин мегуфтанд.

Нархи баланди дастгоҳ боис гардид, ки ҳангоми фурӯш ба монеаҳо дучор шавад, ки он дар тӯли 4 моҳ то 500 $ поён фаромада буд. Маҳз пастравии нарх барои вусъатёбии дастгоҳ халал расонид.

  1. Sony Ericsson P910 (2004, $680)

Смартфон аз ширкати Sony Ericsson ҳамаи хусусиятҳои ба худ хоси КПК-ро соҳиб буд: дар он мутобиқи андозаи телефонҳо ва смартфонҳои ҳамон давра, дисплейи 2,9 дюйма бо андозаи 208х320 пиксел, сарпӯши кушода пӯшондашаванда, ки дар дохилаш тугмачаҳои андозаи калондошта ҷойгир карда шуданд. Ба ғайр аз ин, дар яке аз ҷузъҳои идоракунии он чархак ба чашм мерасид, ки ба Digital Grown дар Apple Watch шабоҳат дошт.

Яке аз смартфонҳои функтсионалӣ дар бозори ҳамон давра аз ҷониби ҳаводорон баҳои баланд гирифт. Имкониятҳои дар дастгоҳ вуҷуддошта бошад талаботи истифодабарандагони корчаллонро низ қонеъ менамуд. Смартфон таҳти роҳбарии Symbian OS v7.0 бо лифофаи (оболочка) UIQ v2.1, ки махсус барои смартфонҳо аз Sony Ericsson дар ин системаи оператсионӣ коркард шуда буд, фаъолият мебурд.

  1. Nokia 3310 (2000, $180 )

Ин телефонро ҳамаи истифодабарандагони алоқаи мобилӣ хуб мешиносанд, ҳатто шахсоне, ки натавонистанд телефонҳои тугмагӣ пайдо намоянд ё аққалан дар бораи ин дастгоҳ шунидаанд. Бо ин дастгоҳ чормағзро шикастан мумкин буд.

Ин телефонро 126 миллион истифодабарандагон харидорӣ намудаанд, ки хусусияту сифатҳои онро солҳои зиёд бо смартфонҳо муқоиса хоҳанд намуд. Зеро смартфон агар якчанд маротиба мисли ин дастгоҳ ба асфалт афтад, осеб дида, корношоям хоҳад гардид. Телефони мазкур, гарчанде дисплейи ғунҷоишдор ва камера надошта бошад ҳам, бинобар ақидаҳои хонандагони Hi-Tech.mail.ru дар байни ҳамаи телефонҳои маъруф ҷои намоёнро ишғол мекунад.

Иштирокдорони ин рейтингро бо смартфонҳои муосир муқоиса намуда, гуфта метавонем, ки мо айни замон дар намуди ҳозираи дастгоҳҳо тадқиқотҳои ҷиддиро мушоҳида карда наметавонем. Телефонҳои кӯҳна албатта наметавонанд бо дастгоҳҳои 2014 рақобат кунанд. Лекин ин телефонҳо ва смартфонҳо ҳангоми пайдо шуданашон, нисбат ба флагманҳои муосири истеҳсолкунандагони пешсаф, ба мо хурсандии беандоза мебахшиданд.

Маҳз ба ҳамин хотир аз Шумоён хонандагони гиромӣ пурсон мешавем, ки кадоме аз ин телефонҳо, то пайдо шудани iPhone дар хотиратон бештар боқӣ мондааст?

Манбаъ: http://hi-tech.mail.ru/news/10-cult-phones.html

 

 

 

 

 

 

Нет комментариев

Также рекомендуем