Дар мубориза бар зидди бемории сил муттаҳид мешавем!

0
321 просмотров

Дар маъракаи миллие, ки бахшида ба Рўзи ҷаҳонии мубориза бо бемории сил таҳти унвони «Дар мубориза бар зидди бемории сил муттаҳид мешавем” баргузор гашт, Лесли Ҳайден – ваколатдори муваққатии корҳои ИМА, Азиз Одиназода – муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон, духтурону ҳамшираҳои тиб, намояндагони ВАО иштирок доштанд.

Чӣ қадар аз бемории сил азият мекашанд?

Ҳамасола дар охирҳои моҳи март ва аввали моҳи апрел Рӯзи ҷаҳонии мубориза бар зидди бемории сил баргузор мегардад. Дар баргузории ин чорабинӣ нақши USAID зиёд буда, уҳдадориҳои худро дар татбиқи стратегияи Ташкилоти Умумиҷаҳонии Тандурустӣ (ТУТ) мубориза бо бемории мазкур такрор ба такрор таъкид мекунад. Тибқи маълумоти охирини ТУТ шумораи гирифторони бемории сироятии сил дар ҷаҳон 10 миллион нафарро ташкил медиҳад.

Сил табобатшаванда аст!

Тадқиқотҳои соҳаи тандурустӣ нишон доданд, ки бемории сил бо вуҷуди хавфнок ва сироятӣ буданаш табобатшаванда мебошад. Намояндагони ТУТ бар он ақидаанд, ки мутаассифона, маъракаҳои фаҳмондадиҳӣ дар байни мардум оид ба роҳҳои пешгирӣ ва табобат нокифоя аст. Чунин амалҳо барои кам кардани шумораи гирифторшавандагон мусоидат намуда, яке аз сабабҳои асосии пешгирии паҳншавии бемории сил маҳсуб меёбад. Бо вуҷуди он ки бемории сил табобатшаванда аст, вале бадбахтона ҳамасола наздики ду миллион нафар аз ин беморӣ ба доми марг меафтанд.

USAID чӣ ҳадаф дорад?

Ҳар як созишномае, ки ба имзо мерасад, дорои ҳадафе мебошад, ки барои омма манфиатбахш мебошад. Аз ҷумла ҳадафи барномаи татбиқнамудаи USAID дар ин бора коҳиш додани сатҳи беморӣ ва пешгирии бемайлони он бо маводҳои дорувории тобовар дар Тоҷикистон бо роҳи тақвияти стратегияи миллӣ, ташхис ва муолиҷаи дастрас, омӯзишгоҳҳои дорои технологияҳои муосир дар вилоятҳои Суғд, Хатлон ва водии Рашт мебошад. Аз рӯи ин барнома ҳамасола кумак ба Тоҷикистон ба ҳисоби миёна 30 миллион долларро ташкил мекунад, ки тақрибан 30 дарсади маблағ ба соҳаи тандурустӣ равона мегардад. Барномаи мазкур, ки буҷааш тахминан $ 13,2 млн. буда, барои 5 сол пешбинӣ шудааст, яке аз намунаҳои дигари кумаки ҳукумати имрӯзаи ИМА дар самти беҳтар намудани солимии ҷомеаи мо маҳсуб меёбад.

«Гарчанде ки бемории сил табобатшаванда аст, бо вуҷуди хизматрасониҳои мавҷудаи ташхис ва табобати босифат он боз ҳам яке аз таҳдидҳо ба саломатии инсон боқӣ мемонад»,- қайд намуд Элизабет Миллиард, Сафири Амрико дар Тоҷикистон дар яке аз суханрониҳояш ба рӯзноманигорон.

Дар ин замина Олимзода Насим Хоҷа, вазири тандурустӣ ва ҳифзи иҷтимоии аҳолии Ҷумҳурии Тоҷикистон гуфта буд, ки бо роҳу усулҳои гуногун коҳиш додани паҳншавии ин бемориро дар кишвар пешниҳод намуда, зарурати тавсияи тадбирҳои фаҳмондадиҳӣ вобаста ба ин беморӣ вуҷуд дорад.

 

Нет комментариев

Также рекомендуем

Салон мобильных телефонов “TAJФОН”

Телефония сегодня – неразрывно связана с жизнью каждого. Современный мобильник многофункционален. Это и музыкальный центр, и игровая приставка, и даже компьютер! Владельцы мобильных телефонов, цены ...