Дар ҳудуди 175 ҳазор гектар пахта кишт карда шуд

0
223 просмотров

Нақшаи кишти пунбадона дар ҷумҳурӣ 94,2 фоиз иҷро шуд. Имсол барои кишти пахта дар Тоҷикистон 187,5 ҳазор гектар замин ҷудо шудааст, ки нисбат ба соли гузашта 13,5 ҳазор гектар зиёдтар мебошад.

Бино ба маълумоти Вазорати кишоварзии ҶТ, то имрӯз дар майдони беш аз 176,6 ҳазор гектар кишти пахта ба анҷом расидааст, ки 94,2 фоизи нақшаи пешбинишударо ташкил дода, нисбат ба ҳамин давраи соли гузашта 28 гектар бештар аст.

Қобили зикр аст, ки ҳаҷми асосии нахи пахтаи дар ҷумҳурӣ истеҳсолшаванда ба сифати ашёи хом ба хориҷи кишвар содирот мешавад. Ҳаҷми коркарди ин маҳсулот дар дохили кишвар чандон назаррас нест.

Картинки по запросу Кишти пахта

Тибқи маълумоти Вазорати кишоварзӣ, барои саривақт ба анҷом расонидани маъракаи кишти пахта аз ҳисоби олимону мутахассисони соҳа ситоди доимоамалкунанда таъсис дода шуда ба ин маърака 1 ҳазору 867 адад техника бо тухмипошакҳои муосир сафарбар карда шудааст.

Гуфта мешавад, нақшаи кишти пунбадонаро дар ҷумҳурӣ яке аз аввалинҳо шуда ноҳияҳои Зафаробод, Бохтар, Ҷалолиддини Балхӣ, Абдураҳмони Ҷомӣ, Вахш, Леваканд, Восеъ, Ҳамадонӣ, Фархор ва Қушониён ба иҷро расониданд.

Коршиносон бар ин назаранд, ки «тавсияҳо»-и маҳз кишти пахта ба болоравии арзиши «тиллои сафед» дар бозори ҷаҳонӣ марбут аст.

Соли гузашта аз ҳисоби коҳиши майдонҳои кишти зироати ғалладона ва растаниҳои хӯроки чорво майдони кишти пахта тақрибан 12 ҳазор гектар зиёд шуд.

Соли 2017 ба кишоварзон бори нахуст тайи солҳои охир муяссар гардид, ки 380 ҳазор тонна ҳосили рекордии пунбадонаро ҷамъ оваранд, ки аз нақша 5,2 фоиз зиёдтар буд.

Манбаъ: Сомонаи расмии АИ «Азия плюс»

Нет комментариев

Также рекомендуем