Депозит чист ва барои чӣ он ба шумо лозим? Калимаи депозит ин пули нақде, ки барои нигоҳдорӣ ба бонк бо шартҳои муқарраршуда ва мӯҳлати муайян супорида мешавад. Мутобиқи мӯҳлат депозитҳо ба ду категория ҷудо мешаванд, то мӯҳлати дархост ва фаврӣ. Ба категорияҳо нигоҳ карда бонк фоизгузорӣ мекунад ва ба шумо ин маълумотро мерасонад, то ки шумо онро интихоб кунед. Категорияи то мӯҳлати дархост ба шумо имкон медиҳад, ки пулатонро дар вақти лозима гирифта метавонед. Ё ин ки ин пулҳоятонро ба дигар суратҳисоб интиқол намоед. Аз ин хотир агар шумо пулҳоятонро ба бонк гузоштани шавед ва онро дар ҳар вақти хостаатон гиред ба ин категория пул гузошт метавонед. Лекин дар ин ҳолат фоизи ҷамъшудаи шумо камтар мешавад. Депозитҳои фаврӣ бошанд ба 3 намуд ва ё мӯҳлат ҷудо мешаванд. Якумашон аз 1 то 3 моҳ, дуюмашон аз 3 то 9 моҳ ва сеюмашон ба мӯҳлатҳои номуайян ё мӯҳлатҳои интихобӣ. Дар ин вақт шумо пулҳоятонро метавонед баъди тамом шудани ин мӯҳлат гирифта метавонед.
Акнун саволи барои чӣ ба бонк гузоштани пулро дида мебароем. Масалаи дар шкаф, зери кӯрпа ва ё дар зарфи шишагӣ нигоҳ доштани пулро баҳс намекунем. Барои истифода бурдани пули шумо бонк, ки ин пулҳоро ба дигарон дар намуди кредит медиҳад, ба шумо мукофот дар намуди фоиз пешниҳод мекунад. Аз ҳамин сабаб пулҳои дар бонк гузоштаи шумо ба шумо фоида меоранд. Фоизҳои ҳисобкарда шуда мувофиқи шартнома ба болои пулатон дар мӯҳлати муайян гузаронида мешаванд.
Аз ин хотир агар шумо пулҳои зиёдатӣ ва ё истифода нашаванда дошта бошед ва ё мехоҳед барои хонадоршавӣ, таҳсили фарзандатон дар оянда, маблағ ҷамъ кардани бошед аз ин намуди хизматрасонии бонкҳо истифода баред. Ин намуди ҷамъ кардани пул ҳоло хеле осон карда шудааст ва аз тарафи давлату бонк барои нигоҳдории пул кафолат дода мешаванд. Ҳангоми кушодани депозит дар бонк аз онҳо маълумоти кафолатдории бонкиро дархост намоед. Қариб ҳамаи бонкҳои ҷумҳурӣ ҳозир дар рӯйхати кафолатдорӣ ва бозгардонии маблағи мизоҷон дароварда шудаанд ва рақами муаяйн доранд.
Дӯстони азиз ҳоло дар замоне, ки иқтисодиёт хеле бо сураъти тез тараққӣ ёфта истодааст бояд ҳар як шахс ҳолати молиявии худро пурқувват намояд ва ҳар як тинашро сарфакорона истифода барад. Барои ҳамин ҳам намудҳои гуногуни нигоҳдории пулро истифода баред.
Нет комментариев