Доирадастони тоҷик дар Русия

0
477 просмотров

Аз санаи 12 то 15 августи соли равон дар якчанд шаҳрҳои ФР барномаи фарҳангӣ бо номи «Рӯзи фарҳанги Тоҷикистон дар Русия» баргузор гардид, ки дар он ҳунармандони тоҷик маҳорату малакаашонро пешкаши тамошобинон намуданд. Дар қатори дигар ҳунармандон гурӯҳи доирадастони Хайрулло Дадабоев аз вилояти Суғд низ дар фестивал ҳунарнамоӣ кард. Дар ин фестивал аз вилоят 10 нафар ҳунармандон иштирок доштанд. Тавре, ки гуфта мешавад дар фестивале, ки таҳти унвони «Территория мира» ном дошту дар шаҳри Калининград баргузор гардид ҳунармандони 6 давлатҳо аз ҷумла:  Кипр, Тоҷикистон, Ҳиндустон, Туркия ва аз худи Русия ширкат варзиданд. Аз вилояти Суғд гурӯҳи доирадастон ва раққосон иштирок намуда, маҳорату малакаашонро ба халқи рус нишон доданд, ки он аз тарафи тамошобинон ба хуши истиқбол гардид.

Tj-Rus-03Зимни сӯҳбат Хайрулло Дадобоев чунин иброз намуд: -«Дар фестивал танҳо доирадастон ва гурӯҳи раққосон буданд, ки мо доирадастон 4 баромад ва гурӯҳи раққосон 5 баромад ҳамагӣ 9 баромад доштем, ки барои мо 40 дақиқаҷудо карда буданд».

Давоми соли равон гурӯҳи доирадастон таҳти роҳбарии Хайрулло Дадабоев дар якчанд чорабиниҳои бошукӯҳи берун аз кишвар доир гардида буд ширкат карданд, айни замон бошад онҳо барои иштирок дар чорабинии навбатие, ки он моҳи сентябри соли равон дар Доғистон баргузор мегардад омодагӣ дида истодаанд. Хайрулло Дадабоев мегӯяд баргузории чунин чорабиниҳо ва иштирок намудани ҳунармандони Тоҷикистон имконият медиҳад то ҳар як ҳунарманд маҳорату малакаи худро ба мардуми дигар кишварҳо муаррифӣ намояд.

Инчунин номбурда зикр намуд, ки «чунин фестивалҳо ва гастролҳо чорабиниҳое, ки берун аз Тоҷикистон мераванду ҳунари худро нишон медиҳанд ва баъди омадан илҳом мегиранд, илҳоми онҳо дучанд мешавад ва санъати худро боз ҳам сайқал дода ба пешбурди ба тамоми ҷаҳониён муаррифӣ кардан ҳаракат мекунанд.

Иттилооти мазкур аз ШТР «Азия» дастрасӣ мо гардидааст.

Нет комментариев

Также рекомендуем

Тасдиқи ангораи ҷашни Наврӯзӣ

Аз ҷониби Президенти Ҷумҳурии Тоҷикистон Эмомалӣ Раҳмон ангораи ҷашни Наврӯзӣ тасдиқ карда шуд. Ангораи наврӯзӣ дар айёми тантанаҳои наврӯзӣ метавонад чун рамзи ин ҷашни пурифтихори ...