Эҳтиёт: борону жола дар назар дошта шудааст

0
1 045 просмотров

То 7 июн дар ҷумҳурӣ ҳаво ноустувор боқӣ монда, дар вилояти Хатлон, ноҳияҳои тобеи марказ, дар баъзе ноҳияҳои кӯҳии вилояти Суғд боридани борони пуршиддат, ба амал омадани раъду барқ ва жола дар назар дошта шудааст. Вазиши сахти шамол дар вилояти Суғд то 15-20 метр дар як сония мерасад.  Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳаво тағйирёбанда шуда,  дар ғарби вилоят боридани борон дар назар аст. Ҳаво шабона 5-10 ва  рӯзона 19-24 дараҷа  гарм мешавад. Дар  шарқи вилоят ҳаво  шабона 4-1 дараҷа  сард ва   рӯзона  ҳарорат ба 11-16  дараҷа  мерасад.

Ҳаво дар вилояти Суғд тағйирёбандаи боронӣ дар баъзе ноҳияҳо пуршиддат шуда, раъду барқ ба амал меояд. Шамол аз самти ғарб бо суръати 4-9 метр дар як сония  мевазад. Ҳаво  дар водиҳо шабона 14-19  ва рӯзона 27-32 дараҷа гарм  мешавад. Дар  ноҳияҳои кӯҳӣ  ҳаво шабона 3-8  ва  рӯзона  14-19 дараҷа гарм мешавад.

Дар вилояти Хатлон  ҳавои абрӣ шуда, боридани борони кӯтоҳмуддат ва дар баъзе ноҳияҳо ба амал омадани раъду барқ ва боридани жола дар назар аст. Ҳаво дар водиҳо шабона 16-21 ва рӯзона 28-33 дараҷа гарм мешавад.  Дар доманакӯҳҳо ҳаво шабона 8-13  ва   рӯзона 20-25  дараҷа гарм  мешавад.

Дар шаҳру ноҳияҳои тобеи марказ ҳаво тағйирёбанда шуда, боридани борон ва ба амал омадани раъду барқ дар назар аст. Ҳаво  дар водиҳо шабона 11-16 ва рӯзона 24-29 дараҷа гарм мешавад.  Дар  ноҳияҳои кӯҳӣ ҳаво шабона 5-10  ва  рӯзона 18-23 дараҷа гарм мешавад.

Дар шаҳри Душанбе ҳаво абрии тағйирёбанда шуда,  боридани борони кутоҳмуддат ва ба амал омадани раъду барқ пешбинӣ шудааст. Шамол аз самти ғарб бо суръати 3-8  метр дар як сония мевазад.  Ҳаво  шабона 14-16 ва рӯзона 26-28  дараҷа гарм мешавад.

Манбаъ: АМИТ «Ховар»

Нет комментариев

Также рекомендуем

Продукты, содержащие йод

Дефицит йода в организме может принести серьезные последствия. Именно потому очень важно ежедневно употреблять продукты, содержащие этот элемент. Но что это за продукты? Сегодня поговорим ...
%d такие блоггеры, как:

Сообщить об опечатке

Текст, который будет отправлен нашим редакторам: