Эълон шудани замони оғози парвозҳо миёни Тоҷикистону Эрон

0
363 просмотров

Парвози масири ҳавоии Машҳад-Душанбе ва баръакс аз 6 –уми июни соли ҷорӣ роҳандозӣ мешавад.

Абдурризо Муҳаммадӣ, масъули намояндагии Сафорати Тоҷикистон дар Машҳад, ба радиои тоҷикии Садои Хуросон, эълон намудааст, ки парвози Машҳад – Душанберо ширкати ҳавопаймоии эронии “Вореш” анҷом медиҳад.

Бино бар иттилои манбаъ, қарор аст, парвозҳо 6 –уми июни соли равон оғоз гарданд.

Арзиши билети рафту баргашти парвози масири ҳавоии Машҳад-Душанбе ҳудуди 2500 сомонӣ (250$) ва масири яктарафа, ҳудудан 1700 сомонӣ  ё 170$ долларро ташкил медиҳад.

Абдурризо Муҳаммадӣ дар суҳбат бо Садои Хуросон таъйид кард, ки муҷаввизи парвози ҳавоӣ аз сӯйи Эрон ва Тоҷикистон содир шудааст. Ҳамчунин ҷонибҳои Тоҷикистон ва Эрон иҷозаи фуруши билетро низ содир кардаанд. Дафтари фурӯши билетҳо дар Машҳад, воқеъ дар хиёбони Дастғайби 4 ва 6 аст. Дафтари фурӯши билетҳо дар Душанбе дар хиёбони Лоҳутӣ, воқеъ дар маркази тиҷории “Ашан” аст.

Қаблан ду ширкати эронӣ ва тоҷикистонӣ дар масирҳои Душанбе-Теҳрон ва баръакс ва Машҳад-Душанбе ва баръакс парвоз анҷом медоданд. Парвозҳои ширкати “Тоҷик Эйр” беш аз панҷ моҳ аст, ки дар масири Душанбе – Теҳрон қатъ шудааст.

Қаблан ширкати эронии “Осмон Эйр” низ аз Машҳад ба Душанбе парвоз анҷом медод, ки аз ҳудуди 8 моҳи пеш ин парвозҳо қатъ шудаанд. Охирин парвози ширкати “Осмон Эйр” дар торихи 20 –уми сентябри соли 2018 анҷом шуда буд.

Манбаъ: Sputnik.tj

Нет комментариев

Также рекомендуем

Ба «Хабарнигори фаврӣ»-и ВКД ҶТ занг занед

Ба диққати шаҳрвандон! Ҳангоми ба кирдорҳои коррупсионӣ ё дигар ҳаракатҳои ғайриқонунӣ даст задани кормандони милитсия шаҳрвандон метавонанд ба воситаи «Телефони боварӣ»-и Вазири корҳои дохилӣ 221-21-21 ...
%d такие блоггеры, как:

Сообщить об опечатке

Текст, который будет отправлен нашим редакторам: