Facebook замимаи мобилиро барои гурӯҳҳо баровард.

1
527 просмотров

Шабакаи бузурги иҷтимоии Facebook замимаи мобилии  Facebook  Groups-ро баровард,ки ба воситаи он истифодабарандагон метавонанд дар гурӯҳҳо бе душворӣ муошират кунанд.  Тариқи замимаи Facebook Groups метавон ба осонӣ ба ҳамдигар маводҳо ирсол намуд, ба гурӯҳҳои нав дохил гардида, ҳамчунин аз огоҳномаҳои нав бохабар шуд. Дар баробари ин он гурӯҳҳое, ки истифодабарандагон зуд-зуд ба он ташриф меоранд, дар қисмати болоии руйхати иттиҳодия ҷойгир карда мешавад. Ҳамчунин замима  ҷараёни ташкил намудани гурӯҳҳои нав,  ҷустуҷӯи наздиконро аз рӯи хоҳиш ва ҷойгиршавии ҷуғрофии иттиҳодияҳоро  хеле осон мекунад.

Бо кӯмаки замимаи нав истифодабарандагон метавонанд, огоҳномаҳоро аз шахсони интихоб кардаашон қабул намоянд.  Илова бар ин, замима имконият медиҳад, ки номи гурӯҳҳои муқарраршуда ба мизи кории (рабочий стол) смартфон бароварда шавад. Ин тадбир гирифтани мактуб ва алоқаро бо наздикон осон мегардонад.  Ҳамчунин  нисбат ба замимаи Messenger,  Facebook Groups ба истифодабарандагони замимаи оддии Facebook низ дастрас аст.

Тавре Slon. Ru хотиррасон менамояд, Facebook Groups замимаи панҷумини  Facebook Creative Lab ба ҳисоб меравад. Аз ин пеш шабакаи иҷтимоӣ замимаи Paper-ро барои тамошои қулайи лентаи иттилоотӣ ва мессенҷери худ Slingshot-ро, ки рақиби Snapchat бояд мешуд, пешниҳод карда буд.

Ба ғайр аз ин, барои аудиторияи маҳдудшуда, замимаи Rooms пешниҳод гардида буд. Он имконият медод, ки чатҳои пинҳонӣ кушода шаванд ва Mentions барои ин кор пешбинӣ шуда буд. Замимаи мазкур барои шахсиятҳои маъруф пешниҳод гардида, бо кӯмаки он, онҳо ба осонӣ аз шумораи зиёди ақидаҳои дигар истифодабарандагон раҳоӣ меёфтанд.

Cарчашма: matrix-tv.tj

1 comment

Опубликовать новый комментарий

Также рекомендуем