Гусели нахустин гурӯҳи ихтиёриён ба хизмати ҳарбӣ

0
311 просмотров

Маъракаи даъвати баҳоронаи ҷавонон ба сафи Қувваҳои Мусаллаҳи мамлакат дар шаҳри Исфара муташаккилона оғоз ёфт.

Тибқи иттилои сухаангӯи шардори Исфара Иқбол Илёсзода аз 120 нафар даъватшавандагони аз комиссияи тиббигузашта 45 нафар ҷавонони ватандӯсту шуҷоатманди шаҳр, ки ихтиёран, бо амри дилу виҷдон азми хизмати Модар — Ватан кардаанд, ботантана баҳри иҷрои қарзи шаҳрвандӣ ба сафи Артиши миллии мамлакат фиристода шуданд.

Ба ин муносибат дар майдони шоҳ Исмоили Сомонии маркази шаҳр ҷамъомади бошукуҳе баргузор гардид, ки барои ширкатдоронаш, хоса барои даъватшавандагон хушоянду хотирмон буд.

Тавре иҷрокунандаи вазифаи раиси шаҳри Исфара Саломзода Сиҷоуддин зимни суханронӣ ва муборакбодии худ изҳор дошт, хизмат дар сафи Қувваҳои Мусаллаҳи мамлакат натанҳо уҳдадории шаҳрвандӣ, балки ҳамчунон қарзи фарзандӣ, қарзи виҷдониву имонии ҳар як шаҳрванди Ҷумҳурии Тоҷикистон, вазифаи боифтихори ҳар як ҷавонмарди асили диёр маҳсуб меёбад.

Дар ҷараёни ҳамоиш ҳамчунин собиқадори меҳнат Ҷамолиддин Нуриддинов ва модари даъватшаванда аз деҳаи Хонобод Муҳаббат Набиева, сарбози батозагӣ хизмати аскариро баитмомрасонида Фаридун Азизов аз деҳаи Чилгазӣ, даъватшаванда аз деҳаи Хонобод Бурҳонхўҷа Баротов суханронӣ намуда, ҳимояи Ватанро қарзи муқаддаси ҳар як ҷавонмард, хизмат дар сафҳои Қувваҳои Мусаллаҳро мактаби мукаммали ҳаёт ва обутоби ахлоқиву ҷисмонӣ, арсаи далерию мардонагӣ арзёбӣ намуданд.

Ҳунарнамоии аҳли фарҳанги шаҳр ва маҳфилороии онҳо шукуҳбахши ин ҷамъомади бонуфуз буд.

Ашт. Гурӯҳи 100 нафараи ихтиёриён ба хизмати ҳарбӣ сафарбар шуданд

Ба муносибати гусели нахустин гурӯҳи даъватшавандагон ба сафи Қувваҳои Мусаллаҳи Ҷумҳурии Тоҷикистон дар назди Театри мусиқӣ-драммавии ба номи Маҳмудҷон Воҳидови ноҳияи Ашт чорабинии мутантан баргузор гардид.

Бино ба иттилои дафтари матбуотии раиси ноҳия дар маросими гусели даъватшавандагон роҳбарияти ноҳия, роҳбарони корхонаву ташкилотҳо ва намояндагони комиссариати ҳарбии ноҳия иштирок намуданд. Дар ин рӯз аз ноҳияи Ашт 100 нафар ихтиёриён ба хизмати ҳарбӣ фиристода шуданд.

Дар анҷоми чорабинӣ аз тарафи бахши фарҳанги ноҳия барномаи ҷолибу дидани манзури иштирокдорон гардид.

Манбаъ: Хадамоти матбуоти Раиси вилояти Суғд

 

Нет комментариев

Также рекомендуем