Хокаи ҷомашўӣ

0
159 просмотров

Дар охири асри 19-ум дар Англия корҳои  кашфиётӣ оид ба  хокаи ҷомашӯии универсалӣ оғоз гардида буд. Лек танҳо баъди гузашти даҳсолаҳо аввалин собунҳои махсуси ҷомашуӣ баромаданд.  Дар соли 1946-ум нахустин бор дар ҷаҳон хокаи ҷомашӯӣ дастраси халқ гардид. Дар Иттиҳоди Шӯравӣ хокаи ҷомашӯӣ бо номи «Новость» дар соли 1953-юм баромад, ки он дар комбинати кимёвии Қазон истеҳсол мешуд. Хокаи ҷомашӯии мазкур бо зудӣ паҳн гардида, халқ онро васеъ истифода мебурд.

Дар замони мо хокаҳои ҷомашўии гуногун мавҷуданд. Ҳамаи онҳо барои шустани сару либос истифода бурда мешаванд. Бо максади тез ва сифатнок  тоза кардани сару либос айни замон мошинҳои ҷомашўии автоматикиро истифода мебаранд. Бояд қайд намуд, ки барои истифодабарии мошинҳои ҷомашӯии автоматикӣ хокаҳои ҷомашӯи барои айнан ҳамин намуди мошинҳо заруранд. Чӣ гуна хокаи ҷомашӯиро бояд харидорӣ намуд?, чӣ тавр онро истифода бурд?

Агар Шумо дорои мошинаи ҷомашӯии автоматикӣ бошед ва хоҳед, ки он ба Шумо солҳои дароз хизмат намояд, пас дар хотир доред, ки хокаҳои ҷомашӯии барои маҳс ҳамин намуд мошинҳоро истифода баред. Ба қутии хокаи ҷомашӯӣ аҳмият диҳед. Бояд дар он навиштаҷоти «Автомат» дарҷ гардида бошад. Ба Шумо харидорӣ намудани хокаҳои ҷомашӯӣ барои мошинҳои автоматикии ширкатҳои дар ҷаҳон машҳур  Ариел, Тайд, Лоск, Миф, Сорти, Дося-ро маслиҳат медиҳем. Онҳо сифати ниҳоят хуб дошта, дорои бӯи хуш мебошанд. Нархашон ҳам гарон нест.

Инчунин дар вақти харидорӣ намудан, бинед, ки қуттии хокаи ҷомашӯӣ кушода набошад. Баъд таркибашро хонед. Чӣ қадаре, ки дараҷаи ПАВ-и хока баланд навишта шуда бошад, ҳамон қадар хокаи ҷомашӯӣ  босифат аст. Агар хокаи ҷомашӯӣ барои мошинҳои автоматикӣ дорои фосфат, тсеолит, моддаҳои мулоимкунандаи об дошта бошад, бидонед,  ки ин намуд хокаҳои  ҷомашӯӣ барои мошинҳои автоматикӣ мувофиқ буда, мошинаро аз карахш (накипь) нигоҳ медорад. Агар дар қуттии хокаи ҷомашӯӣ навиштаҷоти «активный кислород»  дарҷ гардида бошад, ин маънои онро дорад, ки дар таркиби хока шустагарӣ  ё   сафедкунандаи кислородӣ мавҷуданд. Фосфат дар таркиби хокаи ҷомашӯӣ ин моддаи зарурӣ буда, барои баъд аз ҷомашӯӣ ба матоъ таҳшин нашудани чирк ёрӣ мерасонад.

Барои шустани сару либос аз матоъи сафед хокаҳои ҷомашӯиро барои мошинҳои автоматикӣ, ки дар таркибашон  моддаҳои хлордор вуҷуд доранд, истифода баред. Барои шустани сару либос аз матоъи ранга хокаи ҷомашӯиро бо навиштаҷоти «Колор» интихоб намоед. Агар Шумо аллергия ба хокаи ҷомашӯӣ дошта бошед, пас  дар вақти харидорӣ намудан онро  бӯй кунед, Хокаи ҷомашӯии бебӯй барои худи Шумост. Барои шустани матоъҳои шоҳӣ ва пашмин хокаҳои ҷомашӯии махсусро интихоб намоед, то ки ресмонҳои нозуки матоъҳо осебе набинанд. Агар хоҳед, ки сару либоси Шумо доимо тозаю озода бошанд, аз хокаҳои ҷомашӯии дар боло зикргардида истифода баред

Нет комментариев

Также рекомендуем

САМЫЙ БОЛЬШОЙ БУКЕТ ЦВЕТОВ В МИРЕ

Самый большой букет цветов в мире был создан летом 2011 года в Киеве. Он состоял из более чем 60 тыс цветков, которые расположились на основании ...