Хуҷанд: бунёди беш аз 510 иншоот то ҷашни 30-солагии Истиқлолият

0
78 просмотров

Давоми шашмоҳаи аввали соли равон баҳри рушди соҳаи саноати шаҳри Хуҷанд ба маблағи 1,8 миллион сомонӣ сармояҳои дохилӣ ва хориҷӣ ҷалб гардидаанд. Афзоиши  номгӯи маҳсулоти истеҳсолшаванда имкон дод,  ки  аз ҷониби 11 адад корхонаҳои саноатӣ ба маблағи 93,3 миллион сомонӣ ба мамлакатҳои Иттиҳоди Давлатҳои Мустақил маҳсулот содирот гардад. Ин матлаб дирӯз зимни баргузории ҷаласаи ҷамъбастӣ аз тарафи  шаҳрдори Хуҷанд Маъруф Муҳаммадзода таъкид гардид.

Бино ба итилои хабарнигори минтақавии  АМИТ «Ховар», зимни ҷаласа гуфта шуд, ки дар ин давра ҳаҷми умумии маҳсулоти истеҳсолгардидаи коргоҳҳои шаҳр ба 589 миллион сомонӣ расид.  Ин  нишондод нисбат ба ҳамин давраи соли гузашта ба андозаи  9,4 фоиз зиёд буда, дар ин самт саҳми корхонаҳои истеҳсолӣ, чун «Қоғази тоҷик», «Арча-мебел», «Кимё», «Таҷпроф» ва «Арианаметаллпласт» назаррас мебошад.

Вобаста ба омодагиҳо ба ҷашни 30-солагии Истиқлолияти давлатӣ, бурдани корҳои ободонию бунёдкорӣ дар шаҳри Хуҷанд сохтмон, навсозӣ ва таъмиру таҷдиди беш аз 510 иншоот ба нақша гирифта шудааст.

Дар шаҳри Хуҷанд давоми  нимсолаи аввал 133 иншооти гуногуни иҷтимоию маишӣ ва савдою хизматрасонӣ бунёд ва мавриди баҳрабардорӣ қарор гирифтаанд. Аз ҷумла, дар соҳаи маориф 4 иншоот, фарҳангию фароғатӣ 5 иншоот, 3 адад нуқтаҳои савдо ва хизаматрасонӣ, 8 адад бинои истиқоматии баландошёна ва 113 иншооти ҳаётан муҳим сохта, 164 адад ҷойи нави кор таъсис дода шудаанд.

Илова бар ин, дар кўчаю хиёбонҳо ва майдонҳои ҳудуди шаҳр 1432 адад лампаҳо, фурўзонакҳои каммасраф, чароғакҳои ҳархела ва равшанкунакҳои светодиодӣ, 1050 метр ноқилҳои барқӣ насб карда шуданд. Ҳамзамон 14 адад биноҳои баландошёнаи истиқоматӣ рангу бор, 14 адад даромадгоҳҳо ва 5 адад лифтҳо, 2146 м2 боми биноҳо ва 329 метр қубурҳои обу ташноб таъмир ва иваз карда шуданд.

Манбаъ: АМИТ «Ховар»

Нет комментариев

Также рекомендуем

Как правильно составить резюме

Правильно составленное резюме облегчит непростой путь в поисках подходящей работы. Оно должно быть удобным для чтения, кратким, но и в тоже время содержать все Ваши ...
%d такие блоггеры, как:

Сообщить об опечатке

Текст, который будет отправлен нашим редакторам: