Хуҷанд: ғолибияти рассоми ҷавон

0
512 просмотров

Сафири Чехия дар Ҷумҳурии Тоҷикистон Ярослав Сиро бо мақсади қадршиносии ғолиби 46-умин озмуни байналмиллалии рассомони ҷавон Аброр Ҳамроқулов, хонандаи мактаби санъати ба номи Лоиқ Шералии шаҳри Хуҷанд ба Хуҷанд ташриф овард.
Раиси шаҳри Хуҷанд Маъруф Муҳаммадзода ва хонандагону омӯзгорони мактаби санъати ба номи Лоиқ Шералӣ Ярослав Сиро истиқболи гарм намуданд.
Дар маросими қадршиносии ғолиб сафири Чехия Ярослав Сиро дар бораи озмуни мазкур маълумот дода, аз ҷумла таъкид дошт, ки озмун ҳамасола аз соли 1967 инҷониб бахшида ба ёдбуди бачагони ҳалокгаштаи деҳаи Лидитсаи Чехия гузаронида шуда, соли 1976 озмун алллакай мақоми байналмиллалиро соҳиб гардидааст. Соли гузашта дар 46-умин озмуни байналмиллалии рассомони ҷавон, ки ба мавзeи «Об» дар Чехия баргузор шуда буд ва дар он намояндагони 79 давлати дунё бо шумори 29 ҳазор рассомони ҷавон иштирок намуда буданд. Аз Тоҷикистон 8 нафар иштирок карданд ва танҳо Аброр Ҳамроқулов хонандаи мактаби санъати ба номи Лоиқ Шералии шаҳри Хуҷанд дар он дастболо гардид.


Сипас, сафири Чехия дар Ҷумҳурии Тоҷикистон Ярослав Сиро дар дар вазъияти тантанавӣ ба Аброр Ҳамроқулов дипломи «Лидитсе»-ро тақдим намуд.
Раиси шаҳри Хуҷанд Маъруф Муҳаммадзода бо ин дастовард Аброр Ҳамроқулов, ҳамзамон омӯзгорону хонандагони мактаби санъати ба номи Лоиқ Шералии шаҳри Хуҷанд ва волидайнро таҳният намуда, аз ҷумла зикр дошт, ки ин комёбиҳо самараи таваҷҷуҳ, ғамхорӣ ва муҳайё намудани шароитҳои беҳтарини таҳсил аз ҷониби Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон буда, боиси ифтихори тамоми сокинони шаҳри Хуҷанд мебошад.


Раиси шаҳр изҳори умедворӣ намуд, ки дар ояндаи наздик Аброр Ҳамроқулов дар радифи рассомони беҳтарини ҷаҳон ҷой хоҳад гирифт ва намунаи олитарини пайравӣ барои ҳамсолон ва дигар наврасон хоҳад шуд.
Барномаи рангини консертии хонандагони мактаби санъати ба номи Лоиқ Шералии шаҳри Хуҷанд табъи ҳозиринро болида намуд.

Манбаъ: Хадамоти матбуоти Раиси шахри Хучанд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: