Корхонаҳо барои ҳимояи ҳуқуқи кормандон вазифадор шуданд

0
89 просмотров

 

Бо мақсади ҳимоя намудани ҳуқуқу ӯҳдадориҳои роҳбарону корхонаҳо ва инчунин пешгирӣ намудани баҳсҳое, ки ҳангоми фаъолияти корӣ байни кордиҳанда ва коргар ба вуқӯъ меоянд семинар – машварат бо иштироки роҳбарон ва масъулини корхонаву муасисаҳо баргузор гардид. Дар кори семинар муовини аввали Раиси шаҳри Хуҷанд Иброҳим Иброҳимов иштирок намуд. Мавсуф доири зарурати семинарии мазкур зикр намуда, қайд кард, ки «Мувофики маълумоти шӯъбаи омори шаҳри Хуҷанд имрӯз дар шаҳр ҳазору 367 адад корхона, ташкилоту муасисаҳо фаъолият доранд, ки аз ин теъдод 882 адади онхо шартномаи меҳнати байни кордиҳанда ва корфарморо ба имзо расонидаанду халос.»
Ҳамчунин муовини раиси Федератсияи Иттифоқи касабаи вилояти Суғд Абдураҳмон Раҳимов дар бораи роҳҳои баста шудани шартномаи коллективӣ маълумот дод.  Ӯ гуфт, ки шартномаи колективӣ аз рӯзи ба имзо расиданаш эътибор пайдо мекунад, мӯҳлати шартнома бошад, аз ҷониби ҳарду тарафҳо муайян карда мешавад. Бино ба маълумоти муовини раиси Федератсияи Иттифоқи касабаи вилоят баста шудани ин гунна шартномаҳо дар муасисаҳои ҳудуди вилоятбуда, ба мӯҳлатҳои гуногун яъне дар давоми аз 1 то 5 сол ба имзо расонида мешавад. Аммо имрӯз бисёр корхонаву муасисаҳо аз бастани чунин шартнома худдори мекунанд» афзуд муовини раиси Федератсияи Иттифоқи касабаи вилояти Суғд.
Ҳамчунин Мансур Тоҷиев Сардори раёсати агентии меҳнат ва шуғли аҳолии вилояти Суғд қайд намуд, ки бояд ҳар як корхонае, ки зиёда аз 3 нафар корманд дорад бояд ҳатман ташкилоти ибтидоии итифоқи касабаро ташкил намоянду бо корфармо шатномаи коллективиро ба имзо расонанд. Дар шартномаи мазкур бояд имтиёзҳо ва ё шартҳои иловаги байни корфармо ва корманд тариқи боб ва моддаҳо ба таври хатти дарҷ гардада бошад. Дар натиҷаи ба шуғли ғайри расми машғул шудан шаҳрванд аз имтиёзҳои давлати, яъне гирифтани нафақапули, баромадан ба меҳнати рухсати маҳрум мешавад.
Бо пешниҳод намудани фикру андешаҳои намояндагони корхонаву муасисаҳо семинар – машварат ба охир расид. Дар ин бора khujand.tj хабар медихад.

Нет комментариев

Также рекомендуем