Лоиҳа шаҳрвандонро ба тоза нигоҳ доштани муҳити зист водор менамояд

0
555 просмотров

Рӯзи гузашта, 5-уми декабр муаррифии Лоиҳаи “Харитаи экологӣ”-и шаҳри Хуҷанд ва вохӯрии гурӯҳи корӣ дар Муассисаи таҳсилоти миёнаи умумии рақами 10-уми шаҳр баргузор гардид.

img_9289

Дар он наздик 150 нафар омӯзгорону хонандагони таълимгоҳ иштирок намуданд.

img_9303

Лоиҳа барои ҷамъомадагон ба таври муфассал ва ҳамаҷониба муаррифӣ карда шуд. Гуфта шуд, ки беш аз як моҳ аст лоиҳа дар амал татбиқ шуда истодааст. Ҳадафи асосии он – ҳамкории ВАО бо аҳолӣ ва сохтору идораҳои дахлдори шаҳр мебошад, ки он барои иттилоотонии саривақтии шаҳрвандон ва тарбияи экологии насли наврас ва ҷавонон мусоидат хоҳад кард.

img_9299

Мақсади дигари лоиҳа ин огоҳии иттилоотӣ ва баланд бардоштани маърифати экологии шаҳрвандон, бахусус ҷавонон ва насли наврас мебошад. Аз ин хотир вохӯрии гурӯҳи корӣ ва муаррифии лоиҳа маҳз дар мактабҳои миёна низ доир шуда истодаанд.

img_9294

Зикр гардид, ки дар харитаи экологӣ қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ ва ҳоҷатхонаҳои ҷамъиятии шаҳри Хуҷанд ба таври возеҳ нишон дода шудаанд.

img_9292

Дар қатори шаҳрвандони синну сол ва касбу кори гуногун омӯзгорону хонандагони мактаб низ метавонанд аксҳои гирифтаи худро аз мавҷуд будани партов дар маҳалли зист ва кӯчаву хиёбонҳои шаҳр, тавассути Вотсапп (Whatsapp) ва ё Вайбер ба рақами 92-882-66-66 ирсол намоянд. Иштирокчиёни фаъолро тӯҳфаҳои махсус интизоранд.

img_9316

Дар вақти муаррифии лоиҳа гуфта шуд, ки мӯҳлати давомнокии марҳилаи аввали он 3 моҳ буда, дар лоиҳа 10 маҳаллаи шаҳри Хуҷанд: Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мавриди таҷрибаю санҷиш қарор мегиранд.

img_9307

Дар қисми дуюми вохӯрӣ байни гурӯҳи корӣ ва устодону толибилмон дар мавзӯҳои тарзу усули гирифтан ва фиристодани аксҳо, ба навъҳо ҷудо намудани партов саволу ҷавоб сурат гирифт.

img_9290

Ҳамин тавр, муаррифии Лоиҳаи мултимедиявии “Харитаи экологӣ”-и шаҳри Хуҷанд барои иштирокчиён – омӯзгорону хонандагони Муассисаи таҳсилоти миёнаи умумии рақами 10-уми шаҳр хотирмон ва муфид баргузор гардид.

                                                    Гурӯҳи кории Лоиҳаи “Харитаи экологӣ”       

Нет комментариев

Также рекомендуем

Сырдарья — Реальность и перспективы

В течение последних трех лет специалисты Южно-Казахстанского университета имени Мухтара Ауэзова (ЮКГУ) проводили исследования качества воды в крупнейшей реке Средней Азии — Сырдарье. Для этого ...