Муҳиба — ғолиби озмуни вилоятии «Маликаи Наврӯз»

0
381 просмотров

Бо мақсади баланд бардоштани сатҳи ҳунаромӯзӣ, риояи анъанаҳои миллӣ, фароҳам овардани шароит барои инкишофи шахсият, бедор намудани ҳисси зебопарастии кӯдакону наврасон ва ҳавасмандгардонии наврасони боистеъдод дар рӯзҳои таҷлили ҷашни Наврӯзи байналмилал бахшида ба Соли рушди сайёҳӣ ва ҳунарҳои мардумӣ озмуни шаҳрии «Беҳтарин дастархони наврӯзӣ» бо риояи суннатҳои ин ҷашни аҷдодӣ, аз ҷумла ҳафтсину ҳафтшин ва «Маликаи Наврӯз» баргузор гардид.

Озмун аз рӯи шартҳои: баҳодиҳӣ ба ҳусни зебо, қадди расо, гесуи дароз, пироҳани мувофиқ, қироати шеър васфи Наврӯз, истеъдоди кадбонуи моҳир, иҷроиши рақсҳо ва базми гул гузаронида шуд. Дар озмун довталабон аз аксари муассисаҳои таълимии шаҳр иштирок карда, маҳорату истеъдоди худро дар ҳузури ҳакамон намоиш доданд.

Муҳиба Бобоҷонова - ғолиби озмуни вилоятии «Маликаи Наврӯз»

 

 

Ғолибони озмунро ҳайати ҳакамон муайян намуда, ҷойи аввалро ба Муҳиба Бобоҷонова, хонандаи синфи 11 аз гимназияи №1 муносиб донистанд. Мақоми дуввумро Мадина Аҳророва толибилми синфи 10 аз МТМУ№27 ва Азиза Азимова аз гимназияи №4 мушарраф гаштанд. Ғолибони озмун бо диплом ва сипосномаҳои шуъбаи маорифи мақомоти иҷроияи ҳокимияти давлатии шаҳри Хуҷанд сарфароз гардида, ба даври вилоятӣ роҳхат гирифтанд.

 

Озмуни вилоятии «Беҳтарин дастархони наврӯзӣ» бо риояи суннатҳои ин ҷашни аҷдодӣ, аз ҷумла ҳафтсину ҳафтшин ва «Маликаи Наврӯз» дар ноҳияи Спитамен баргузор гардид.

Мавриди зикр аст, ки дар ин озмуни ҳунару истеъдод Муҳиба Бобоҷонова (гимназияи №1) аз рӯи шарти «Маликаи Наврӯз» сазовори мақоми аввал гардида, бо дипломи дараҷаи якум қадрдонӣ карда шуд. Ҳамчунин толибилми Мактаби хонандагони болаёқати шаҳр Аниса Сангинова дар ороиши дастархони наврӯзӣ бо ҳафтсину ҳафтшин сазовори сипоснома гардид.

Ғолибони озмун бо диплому сипосномаи раёсати маорифи вилояти Суғд ва тӯҳфаҳои хотиравӣ сарфароз гардонда шуданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Шоколади сафед.

Аксари  мардум истеъмоли шоколадро  дӯст  медоранд, зеро  таъми лазизу  ширини он  касро мафтун  месозад. Бахусус  шоколади  сафед, ки ранги ғайриоддиро  доро  мебошад, дилписанди ҳамагон  аст. ...