Дар асоси нақшаи чорабиниҳои Кумитаи иҷроияи ҲХДТ дар вилояти Суғд даҳаи аввали моҳи октябри соли 2015 ҷиҳати дар амал татбиқ намудани «Стратегияи муқовимат ба коррупсия дар Ҷумҳурии Тоҷикистон барои солҳои 2013- 2020» ба иштироки масъулони ҳизбии шаҳру ноҳияҳо, фаъолон, собиқадорон, занон ва аъзои фаъоли ТҶҶ «Созандагони Ватан» аксияи «Мубориза бар зидди коррупсия қарзи шаҳрвандии мост» доир мегардад.
Дар аксия намояндагони дин, танзими анъана ва ҷашну маросимҳои миллӣ, Раёсати Агентии мубориза бо коррупсияи вилоят, аъзои маҳфили мубоҳисоти сиёсиву ҳуқуқии назди Кумитаи иҷроияи вилоятии ҲХДТ барои иштирокчиёни аксия, ки дар ҳамаи шаҳру ноҳияҳои вилоят бо ҷалби кормандони ҳамаи соҳаҳои хоҷагии халқ гузаронида мешавад, оид ба моҳият ва зарурияти ин иқдоми ҳизбиёни вилоят маълумот хоҳанд дод.
Тавре аз Кумитаи иҷроияи ҲХДТ дар вилояти Суғд хабар доданд, дар доираи баргузории аксия семинарҳо ва конфронсҳо доир гардида, доир ба Қонуни Чумҳурии Тоҷикистон «Дар бораи мубориза бар зидди коррупсия», оид ба талаботи қонуни мазкур ва коррупсия- яке аз зуҳуроти хавфноки ҷомеа, ки дар миқёси ҷаҳонӣ ҳамчун ҷинояти вазнин ва яке аз унсурҳои таҳдидкунанда ба амнияти миллӣ ва халалдоркунандаи рушду суботи иҷтимоию иқтисодии давлат эътироф гардидааст, маърузаҳо шунида мешавад. Вазифаи иқдоми мазкур ба дарки ҳар фард расонидани зарурати мубориза бар зидди коррупсия ва бартараф намудани мавқеи бетарафӣ нисбат ба коррупсия ва бо ҳамин восита ташаккули мафкураи зиддикоррупсионӣ дар ҷомеа мебошад.
Дар ин бора http://sugd.tj/index.php/tj/navidi-sugd/5377-korupcia хабар медиҳад.
Нет комментариев