Нахустин автомобилҳои паррон дар Дубай пайдо хоҳанд шуд

0
582 просмотров

Дар рафти баргузории саммити ҳукуматии World Government Summit вазорат оид ба идоракунии роҳу нақлиёти Дубай (RTA) «автомобили худмухтори паррон»-ро намоиш дод, ки аз ҷониби ширкати чинии Ehang офарида шудааст. Нахустин маротиба воситаи нақлиёти инноватсионию экологӣ як сол қабл дар намоишгоҳи CES 2016 нишон дода шуда буд. Ин намуди автомобилро кай дар шаҳри Аморати Араб ба кор медароранд, номаълум аст. Вале шояд Дубайи пешрафта нахустин  мегаполисе гардад, ки дар ин ҷо дронҳои бесарнишини мусофирбар бидуни тавақуф  намудан дар байни нақлиётҳову чароғакҳои роҳ ба мусофиркашонӣ дар самтҳои майян оғоз мекунанд.

Мувофиқи нақша «автомобили худмухтори паррон» (AAV) мусофиронро ба масофаҳои на он қадар дур бурда мерасонад. Такси-дрон пурра дар асоси барқ кор мекунад. Барои парвоз бошад, сарнишин лозим намешавад. Дилхоҳ фармоишгар тавассути экрани сенсорӣ мустақилона нуқтаи таинотро интихоб карда метавонад. Системаи худмухтор бошад, бо шарофти навигатсия насбшудаи дохилӣ фармоишгарро ба самти интихобкардааш бурда мерасонад. Маркази умумии фармоишдиҳӣ мавқеи ҷойгирии тамоми автомобилҳоро пайгирӣ ва назорат мекунад.

Барои аз шикасту рехт муҳофизат намудан ҳамаи паёмакҳо рамзӣ кунонида мешаванд ва ҳар AAV дорои калиди алоҳидаи худ барои дастрасӣ мебошанд. Дар ҳолати кор накардани система ё вайроншавӣ ва хомӯшшавии ягон қисмати мошин, автопарвоз дарҳол ба минтақаи наздиктарин омада менишинад, то ки ба садама дучор нагардад.
Раёсати идораи роҳу нақлиёти Дубай чунин меҳисобад, ки ба таксии намуди нав талабот зиёд хоҳад шуд (дар бораи арзиши тақрибии сафар дар ин нақлиёт чизе гуфта намешавад), зеро ба мизоҷон барои идора кардани нақлиёти паррон шаҳодатномаи ронандагӣ лозим намешавад  ва вақти барои роҳҳои шаҳр сарф мешуда низ нисбатан кам мегардад.

Нет комментариев

Также рекомендуем