Наздик 60 ҳазор нафар сайёҳон ба Хуҷанд ташриф оварданд

0
158 просмотров

Дар доираи эълон гардидани соли 2018 “Соли рушди сайёҳӣ ва ҳунарҳои мардумӣ” дар шаҳри Хуҷанд ҷиҳати ҷалби сайёҳони дохилӣ ва хориҷӣ чораҳои амалӣ андешида шуданд.

Бояд зикр намуд, ки давоми 11 моҳи соли ҷорӣ аз ҷониби 5 ширкатҳои сайёҳӣ ва дигар ташкилотҳои ба ин самт шомил буда, ба 56,7 ҳазор нафар, аз ҷумла 2,5 ҳазор нафар сайёҳони хориҷӣ ва 54,2 ҳазор нафар сайёҳони дохилӣ хизмат расонида шуда, ҳаҷми он ба 1,8 миллион сомонӣ расидааст.

Дар қатори дигар иншоотҳо ҷиҳати бунёди инфрасохтор ва рушду такмили соҳаи сайёҳӣ ба бунёди роҳи танобӣ бо дарозии 1050 метр, тарабхонаҳои брендии “Форел” дар кўчаи Сирдарё ва “Темурмалик” дар хиёбони Раҳмон Набиев оғоз гардидааст ва сохтмони онҳо бомаром идома дорад.

Бояд қайд намуд, ки дар оғози сол меҳмонхонаи “Парламент” ва қаҳвахона-тарабхонаи замонавӣ бо номи «Ситораи Хуҷанд» ба истифода дода шуда, шиногоҳи соҳили дарёи Сир аз нав эҳё гардид, ки бешубҳа ба рушди сайёҳӣ дар шаҳр мусоидат менамояд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: