Норанг (мандарин) — давои беҳтарини роҳи нафас.

0
622 просмотров

Норанг дарахти сершохи ҳамешабаҳор аст. Чун ғизову дору меваи он истифода мешавад. Пӯсти он ба осони ҷудо мегардад ва нисбати дигар ситрусиҳо равғани эфир кам дорад. Шояд аз ин сабаб пӯсти норанг яке аз  хӯрокаҳои беҳтарини ашрофони асри  ΧΙΙΙ – ΧΙV –и Ҳинд будааст, ки онро бо қанд якҷоя намуда, истифода менамуданд.  Мағзи норанг зарди сурхтоб аст ва таъми ширини каме турш дорад.Норанг(мандарин) хеле хушхӯр ва меваи тару тоза ва шарбати он хӯрокии лазиз барои кӯдакон мебошад. Онро бисёр вақт чун ғизои парҳезӣ истифода менамоянд.

Норанг аз сабаби доштани фитонсидҳо хосияти микробкӯшӣ дорад, ҳазми дигар маводҳои ғизоиро беҳ месозад. Шарбати норанг ҳаракати рӯдаҳоро кам менамояд ва аз ин рӯ ҳангоми ислоҳ хеле муфид аст.

Равғани атрии норанг дорои хусусияти зиддиихтилоҷӣ, оромибахшӣ, рӯҳафзоӣ ва талхаронӣ буда, ҳазми ғизоро беҳтар мекунад. Онро барои муолиҷаи бронхити музмин, сили шуш, садамаҳои асаб, илтиҳоби талхадон ва вайроншавии фаъолияти дастгоҳи ҳозима истифода мебаранд.

Норанг манбаи табиии витаминҳо буда, муқовимати бунияро нисбати таъсири манфии муҳити атроф зиёд мекунад. Дорои хусусияти зиддиилтиҳобӣ ва балғамронӣ буда, гардиши хуни дохили бофтаҳоро беҳтар намуда, дастгоҳи ҳозимаро ба танзим медарорад.

Равғанашро барои муолиҷаи бехобӣ, камқувватӣ, хунрезии пилкҳои дандон, бронхит, дилбеҳузурӣ, қабзият истифода мебаранд. Аз сабаби он ки нисбати намакҳои калий ва натрий дар мағзи мева 112 бар 1 аст, яъне миқдори унсури муфиди калий нисбати натрий хеле зиёд мебошад. Истеъмоли мандарин ҳангоми бемории дил ва варамҳо тавсия карда мешавад.

Дамкардаи пӯсти меваи мандарин хосияти табобати дошта, онро чун доруи балғамрон ва иштиҳоовар ҳангоми касалиҳои роҳи нафас ба кор мебаранд.

Барои ин пӯсти хушкшудаи меваро дар як литр оби ҷӯш муддати як шабонарӯз дар термос нигоҳ дошта, ба миқдори ним истаконӣ 3 бор менӯшанд.

Дар Чин пӯсти меваи мандаринро барои муолиҷаи бронхит, трахеит, дибеҳузурӣ ва синга ба кор мебаранд.

Доруҳои норанг

  Ду қошуқ пӯсти тару тоза ва майдакардашудаи норангро дар зарфи шишагин андохта, ба болояш 250 миллиграмм спирти 40%рехта, 7 рӯз дам дода, 25-30 қатрагӣ ду бор дар як рӯз барои ҳазми ғизо, балғамронӣ ва рафъи сурфа истифода бурдан мумкин аст.

Нет комментариев

Также рекомендуем