Ғолиби Ҷоми Президенти Тоҷикистон муайян гардид

0
1 065 просмотров

Мусобиқаи байналмилалии Ҷоми Президени Тоҷикистон оид ба ҷудо, ки бори 5-ум дар варзишгоҳи марказии шаҳри Ваҳдат баргузор шуд, паҳлавонони 15 кишвари ҷаҳонро ба ҳам овард. Тоҷикистонро дар мусобиқаи имсола ҳудуди 20 гӯштингир намояндагӣ кард. Тибқи муқаррароти низомномаи мусобиқа барои ҷоизаҳо варзишгарони синашон аз 18-сола боло дар вазни мутлақ рақобат намуданд. Қувваозмоиҳо барои дарёфти ҷоизаи асосӣ миёни иштирокчиён дар ҳузури мухлисони сершумор ҷолибу диданӣ сурат гирифт. Нахуст барандагони мақоми ифтихории 3-юм муайян гардида, бо туҳфаҳои махсус сарфароз карда шуданд. Дар зинаи 3-юм паҳлавони тоҷик Саидҷамол Алимардонов ва ҷудочии кишвари Қирғизистон Шаҳриёр Идрисов қарор гирифтанд. Дар охир ду паҳлавони шинохтаи кишвар Комроншоҳ Устопирён ва Саидҷалол Саидов баъд аз шикаст додани рақибони худ барои ба даст овардани Шоҳҷоиза бо ҳам андари майдони номҷӯӣ гардиданд. Дар ин нерусанҷӣ Саидҷалол Саидов бо бартарии имтиёзҳо ғолиб омада, барандаи Ҷоми Президенти Тоҷикистон дар соли 2017 эътироф шуд.

Манбаъ: сомонаи расмии телевизиони «Варзиш»

Нет комментариев

Также рекомендуем

Қурби расмии асъор барои имрӯз: 03.07.2019

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.4397  сомонӣ; 1 евро – ...
%d такие блоггеры, как:

Сообщить об опечатке

Текст, который будет отправлен нашим редакторам: