Ғолибони озмуни ихтироъкорон ва навоварони ҷавони вилоятро мукофотҳои пулӣ дар ҳаҷми то 7 ҳазор сомонӣ интизор аст

1
133 просмотров

Бахшида ба “Соли ҷавонон”  эълон гардидани соли  2017 дар асоси қарори Раиси  вилояти Суғд аз  28 феврали соли 2017, № 85 дар миқёси вилоят озмуни ихтироъкорон ва навоварони ҷавон доир хоҳад шуд.

Озмуни  ихтироъкорон ва навоварони ҷавони вилоят шурӯъ аз моҳи март то ноябри соли ҷорӣ дар самтҳои барномасозӣ ва низомҳои иттилоотӣ, дизайн ва меъморӣ, сохтмон, экология, геология,  энергияи барқароршаванда,  таҷҳизоти мошинсозӣ,  маркшейдерия,  металлургия,  кӯҳкорӣ,  техникаю технология ва илмҳои табиатшиносӣ  баргузор мегардад.

Мутобиқи низомномаи ин озмун дар он наврасон ва ҷавонони то синни 30 – сола ҳуқуқи иштирок доранд ва ғолибони озмун пас аз анҷоми давраи ниҳоӣ муайян гардида, бо тӯҳфаҳои молӣ дар ҳаҷми аз 2 то 7 ҳазор сомонӣ кадрдонӣ карда мешаванд.

Ҳадаф аз ташкили озмуни мазкур  рушду инкишофи ташаббускорӣ, ҳавасмандии фаъолияти ихтироъкориву навоварӣ,  дарёфти истеъдодҳо  дар соҳаи илм, истеҳсолот ва таъмини минбаъдаи пешрафти соҳаҳои иҷтимоиёт ва иқтисодиёти вилоят маҳсуб меёбад.

Манбаъ: Хадамоти матбуоти Раиси вилояти Суғд

1 comment

Опубликовать новый комментарий

Также рекомендуем

Искандар Қаландаров

Бевафо ёрам, карда ғам борам, Бишнавед ошно аз дили зорам. Ин таронаи зебо оҳанги гӯшнавоз ва бо садои ширину гуворои ҳунарманди писанди дили ҳамагон Искандар ...