Озмун барои дарёфти Ҷоизаи журналистони вилоят ба номи Ҳоҷӣ Содиқ

0
697 просмотров

Раёсати созмони вилоятии Иттифоқи журналистони Тоҷикистон барои дарёфти Ҷоизаи журналистони вилояти Суғд ба номи Ҳоҷӣ Содиқ озмун эълон менамояд. Ба озмун ҳамаи кормандони васоити ахбори омма, новобаста аз шакли моликияташ, ки узви Иттифоқи журналистони Тоҷикистон мебошанд, ширкат карда метавонанд. Ба озмун маводи муаллифон, ки дар ҷанрҳои мухталифи ҷурналистӣ, минҷумла очерк, лавҳа, публитсистика ва ҷанрҳои бадеӣ, аз ҷумла силсилаи ҳикояву ҳаҷвияҳо, ҳазлу мутоиба дар матбуоти даврии қаламрави вилоят дар соли 2014-ум чоп шудаанд, пешниҳод карда шаванд. Муаллиф бояд камаш 5 сол собиқаи ҷурналистӣ дошта бошад.

Барои пешниҳоди мавод рӯзноманигорон бояд ба созмони аввалияи ҷурналистӣ бо ариза муроҷиат кунанд. Котибони созмонҳои ибтидоӣ маводи муаллифонро баррасӣ ва бо қарори маҷлиси умумии журналистони созмони аввалияи рӯзноманигорон тасдиқ карда, ба созмони журналистони вилоят пешниҳод мекунанд.

Ба қарори созмони ибтидоӣ бояд маводи озмунӣ, аризаи даъвогар, шарҳи ҳоли мухтасари муаллиф илова гардида, ҳуҷҷатҳо то 3-юми марти соли 2015 ба Раёсати созмони вилоятии ИҶ Тоҷикистон (шаҳри Хуҷанд,  хиёбони ба номи Президент Раҳмон Набиев, 45, утоқи 417) бо ишораи «Ба озмуни вилоятии журналистон» пешниҳод карда шаванд. Маводҳое, ки баъди ин мӯҳлат ворид мегарданд, қабул ва баррасӣ намешаванд. Ҷоизаи журналистони вилоят ба номи Ҳоҷӣ Содиқ 11-уми марти соли равон, дар рӯзи таҷлили ҷашни матбуоти тоҷик ба ғолиби озмун супурда мешавад.  Дар ин sugd.tj хабар медиҳанд.

Нет комментариев

Также рекомендуем