Пирӯзии Муҳаммадҳасан Шоҳмаҳмадов дар Чин

0
115 просмотров

Таэквондочии ҷавони тоҷик Муҳаммадҳасан Шоҳмаҳмадов дар мусобиқаи байналмилалӣ дар Ҷумҳурии Мардумии Чин сазовори медали нуқра гардид. Дар ин бора  намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Тибқи иттилои манбаъ, Мусобиқаи байналмилалӣ оид ба таэквондои ҷаҳонӣ миёни ҷавонон ва калонсолон («2019 The Belt and Road China Open International Taekwondo Championships — World Taekwondo — G-1»)  аз 7 то 9 ноябр  дар шаҳри Сиани Ҷумҳурии Мардумии Чин доир гардид.

Дар мусобиқа беш аз 500 нафар варзишгар аз 20 давлати қораҳои Осиё ва Африқо ширкат карданд.
Аз ҷумҳурии Тоҷикистон  4 нафар варзишгарон–Ширинмоҳ Миршакарзода, Моҳру Ҳалимова, Хуррам Меҳтаршоев ва Муҳаммадҳасан Шоҳмаҳмадов ба Чин сафарбар гардиданд.

Дар рӯзи сеюми мусобиқа Муҳаммадҳасан дар вазни-73кг миёни ҷавонон ба гирифтани медали нуқра мушарраф гардид.

Ёдовар мешавем, ки  ин 5-умин  медали Муҳаммадҳасан Шоҳмаҳмадов аз мусобиқаҳои байналмилалӣ дар соли равон мебошад. Ӯ аз Чемпионати Осиё миёни ҷавонон дар Урдун медали биринҷӣ, мусобиқаҳои байналмилалии «Namangon Open» (Ӯзбекистон) ва «Chuncheon Korea Open G-2» (Ҷумҳурии Корея) медали тилло ва аз мусобиқа ба хотираи Суйлиш Батир дар Қазоқистон медали биринҷӣ ба даст овардааст.

Манбаъ: АМИТ «Ховар»

Нет комментариев

Также рекомендуем

Суд признал незаконными действия следствия по делу о смерти Умарали Назарова

Невский районный суд Санкт-Петербурга признал незаконным бездействие следствия по делу о смерти пятимесячного Умарали Назарова. Кроме того, суд нашел большое количество нарушений в действиях следователей ...
%d такие блоггеры, как:

Сообщить об опечатке

Текст, который будет отправлен нашим редакторам: