Президенти Покистон ба Тоҷикистон омад

0
303 просмотров

Имрӯз Президенти Ҷумҳурии Исломии Покистон Мамнун Ҳусейн бо сафари расмӣ ба Ҷумҳурии Тоҷикистон ташриф овард.

Дар Фурудгоҳи байналмилалии Душанбе Президенти Ҷумҳурии Исломии Покистон Мамнун Ҳусейнро муовини Сарвазири Ҷумҳурии Тоҷикистон  Маҳмадтоир Зокирзода ва дигар шахсони расмӣ истиқбол намуданд.

Маросими истиқболи расмӣ ва мулоқоту музокироти сатҳи олӣ дар доираи сафари расмии Президенти Ҷумҳурии Исломии Покистон Мамнун Ҳусейн ба Ҷумҳурии Тоҷикистон 19 июн дар шаҳри Душанбе баргузор мегардад.

Дар доираи сафари расмӣ ба Ҷумҳурии Тоҷикистон  Президенти Ҷумҳурии Исломии Покистон Мамнун Ҳусейн бо Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва Сарвазири Ҷумҳурии Тоҷикистон Қоҳир Расулзода мулоқот мекунад.

Инчунин Президенти Ҷумҳурии Исломии Покистон Мамнун Ҳусейн дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028, ки 20 июн дар шаҳри Душанбе ба кори худ оғоз мебахшад, иштирок менамояд.

Манбаъ: Сомонаи АМИТ «Ховар»

Нет комментариев

Также рекомендуем

Кӣ миллионер шудан мехоҳад ?

Шунавандагон ва истифодабарандагони азиз,  дониш ва маҳорати хешро агар сайқал додан хоҳед, ҳамарӯза дар барномаи “Ҳозирҷавоб” иштирок кунед дониши худро ғанӣ гардонед. Он нафароне, ки ...