Радиои «Тироз» сазовори баҳои «5» аст!

3
178 просмотров

Хонандагони арҷманди Медиапортали «Тироз», ин навбат меҳмони бахши 15-солагии Радиои “Тироз” собиқ корманди ин даргоҳи муқаддас, аниқтараш собиқ директори иҷроияи Радиои “Тироз” Қаҳрамон Ахмедов мебошанд.

Шумо чӣ тавр ва дар кадом сол барои фаъолият кардан ба Радиои “Тироз” омада будед?

Безымянный

Соли 2000-ум фаъолияти худро аз студияи машҳури «Хуршед Продакшн» оғоз кардам. Он солҳо дар ин студия шахсони маъруфи соҳаи истеҳсоли маводи телевизионӣ ҷамъ омада буданд. Зери роҳбарии шахси кордон Хуршед Ӯлмасов  чунин шахсони маъруф ба монанди Салим Камолов, Олим  Темуров,  Маҳмуд Мӯъминов, Анна Клюева, Андрей Столбетсов ва дигарон кор мекарданд. Сипас баъди як соли фаъолияти ман, мо литсензияи ташкил кардани радиоро соҳиб шудем.

Чаро маҳз кор дар Радиои “Тироз”-ро интихоб намудед?

Безымянный.jpg4

Ман шахсан радиоро интихоб накардаам он солҳо солҳои мушкилу вазнин буданд. Соҳиби дипломи маълумоти олӣ будаму лекин ба ягон ҷой ба кор дохил шуда наметавонистам. Зеро, солҳое буданд, ки хешутаборӣ нақши калон мебозид, нисбат ба маълумот доштан. Лекин ташаккури зиёд ба Хуршед Азимҷонович, ки маро ба кор гирифтанд. Яке аз хислатҳои бузурги ин шахс он аст, ки ҳангоми маро ба кор гирифтан ба донишу малакаам бисёртар аҳамият доданд, на ба хеши бузург доштанам.

Аз ҳамон вақт дар соҳаи радио кор кардам. Самти асосии ман дар радио ин бахши тиҷорат буд. Яъне, бо реклама сарукор доштам ва ҳоло каме аз радио дур шуда бошам ҳам, аз соҳаи реклама дур нарафтаам.

Кадом лаҳзаҳои хотирмон ҳангоми фаъолиятатон дар радио, дар хотиратон нақш бастааст?

Лаҳзаи беҳтарин ин 23-юми феврал мо бо ҳамкорон Иди мардонро ба дараҷаи олӣ ҷашн карда истода будем, ҳамин дам Хуршедако, ки он вақт дар шаҳри Душанбе буданд, ба мо занг зада гуфтанд, ки “Муборак шавад, ман литсензияи радиоро гирифтам!”. Бовар кунед ҳамон рӯз то саҳар ҳеҷ кас хоб нарафта буд. Ид идома дошт.

Қаҳрамон Ахмедов:

Аз рӯи толеънома – Моҳӣ,

Хӯроки дӯстдошта – Борщи сурхи украинӣ,

Фасли писандида – Зимистон,

Гули дӯстдошта – Хризантена,

Ранги писандида – Сурх,

Рақами дӯстдошта – 2,

Аз рӯи мучал – Муш,

Радио ва ё телевизиони дӯстдошта – Тироз, АНТ, Азия, Вести 24, Лайфньюс, ОРТ, шабакаи аввали Муғулистон.

Безымянный.jpg3

 

 

Барои худи Шумо аз ҳама шавқовару завқовар дар солҳои фаъолиятатон дар Радиои “Тироз” чӣ буд?

Аз ҳама азизу хотирмон барои ман ин вақтҳои истироҳат бо кормандон дар табиат буд. Чӣ дар сайругашти кӯҳсор, чӣ вақти тобистон мо – коллективи бисёр аҳл будем. Баъзан ба хотир оварам, дилам гум мезанад ва гӯё, ки аз ҳаёти ман набуд он вақт.

 

 

Бо пешниҳоду дастгирии роҳбарияти ШТРР “Тироз” дар кадом солҳо чанд маротиба дар семинару тренингҳои ҷумҳуриявӣ ва байналмилалӣ иштирок карда будед?

Безымянный.jpg1

Аз соли 2003 то соли 2006 панҷ ё шаш маротиба дар семинарҳои ҷумҳуриявӣ иштирок кардаам.

Шумо чанд сол қабл дар ин радио фаъолият карда будед? Тафовути дирӯзу имрӯзи радиоро эҳсос ё мушоҳида менамоед (ҳам дар бахши эҷодӣ ва ҳам бахши техникӣ)?

Дар радиои “Тироз” тӯли 9 сол фаъолият кардам ва бовар кунед, як рӯз ҳам пушаймон нестам. Радиои “Тироз”-и онвақта аз ҳозира фарқи калон дошт. Аз ҷиҳати таҷҳизоти техникӣ ҳоло радио дар пеш (ҳатто аз дигар радиоҳои шаҳрамон). Вале аз ҷиҳати меҳнатдӯстию одамгарию якдигарфаҳмӣ ба фикри ман мо беҳамто будем.

Агар Шуморо боз барои кор ба Радиои “Тироз” даъват мекарданд, розӣ мешудед?

Ба радио агар даъват кунанд меравам, лекин ба ҳайси консултант ба фикри ман ба ҷавонон бисёртар роҳ додан зарур аст. Дар байни ҳозира ҷавонон бовар кунед шахсони боистеъдод кам нестанд.

Ба Мактаби “Тироз” чи гуна баҳо медиҳед?

Безымянный.png5

“Тироз” сазовори баҳои « мебошад.

Барои сӯҳбати самимӣ ташаккур, ҳамеша саломату сарбаланд ва дар зиндагиву фаъолият муваффақ бошед!

3 comments

  1. Ислом Бобоев 1 Апрель, 2016 at 17:32 Ответить

    Хоҳиш менамоем, худро ба пуррагт муаррифӣ мекардед?
    Ман муаллифи чанд маводи сайти “Тироз”. Мехохем бо Шумо дар тамос шуда, аз як нафар шунавандаи доимии Радиои “Тироз” фикуру андешаашонро фаҳмем. Илтимос бо мо дар тамос бошед. Яъне, нависед каме дар бораи худ.

  2. Амир 30 Март, 2016 at 20:31 Ответить

    Салом радио тироз ман аз новосибирск хачстам соли 1995 аз худжанд ба новсибирски фр омадам бовар кунед ин радиоро намедонистам овози Радиои худжандро шунида хеле хурсанд шудам, аз сахари гуш мекунам дар кор то шаб. лекин нафамидам чаро факат мусики бе реклама такроран меравад интернет аз радио худжанд фарк мекунд ё не хардуш як хел аст ё факат пахши мустаким ????????????????????????????

Опубликовать новый комментарий

Также рекомендуем