Сафари кории Раиси вилояти Суғд ба ноҳияи Спитамен

0
466 просмотров

Раиси вилояти Суғд Абдураҳмон Қодирӣ зимни сафари корӣ ба ноҳияи Спитамен ба мумфаршкунии кӯчаи ба номи А. Саидови деҳаи Сафедтеппаи ноҳия ҳусни оғоз бахшид. Зимни суҳбат Раиси вилоят иқдоми сокинонро кори хайру савоб унвон карда, изҳор дошт, ки дар чанд соли ахир ҷиҳати таъмиру барқарорсозии роҳҳои мошингард барномаи махсуси вилоятӣ қабул ва мавриди амал қарор гирифт, ки дар натиҷа ҳолати 15 ҳазор км роҳҳои ҳудуди вилоят беҳтар карда шуд. Дар деҳаи Сафедтеппаи ноҳияи Спитамен Раиси вилоят ҳамзамон бо нақшаи шабакаи обтаъминкунии деҳаи мазкур шинос шуд. Иттилоъ дода шуд, ки кашидани хатти оби нӯшокӣ дар ин минтақа дар асоси созишномае, ки миёни Ҳукумати Ҷумҳурии Тоҷикистон ва Ҳукумати Шветсария ба тасвиб расидааст, амалӣ мешавад. Зимни шиносоӣ Раиси вилоят ба масъулин дастур дод, ки корҳои боқимондаро бо сифати баланд ба анҷом расонанд. Бо татбиқи лоиҳаи мазкур сокинони деҳаи Сафедтеппа бо оби тозаи нӯшокӣ таъмин мегарданд. Дар идомаи сафар Абдураҳмон Қодирӣ аз хоҷагии деҳқонии “Арбоб” боздид намуд. Кишоварзони ин хоҷагии деҳқонӣ дар ин рӯз ба чиниши пахта оғоз намуданд. Дар асони суҳбат бо деҳқонон Раиси вилоят изҳор дошт, ки ба кишти маҳсулоти полезӣ ва ташкили гармхонаҳо низ бояд таваҷҷуҳи хоса дода шавад. Худи ҳамин рӯз бо иштироки Раиси вилоят дар Ҷамоати деҳоти Сарбанди ноҳияи Спитамен маркази ташхисию табобатӣ ба истифода дода шуд. Маркази ташхисию табобатӣ аз ҷониби соҳибкор Ҷонибек Набиев бунёд гардидааст. Бинои маркази ташхисию табобатӣ аз чор ошёна иборат буда, дорои 40 кат ва ҳуҷраҳои ташхису табобат мебошад. Бо баробари ба фаъолият оғоз кардани марказ 20 нафар бо ҷойи корӣ таъмин мегарданд. Ҳангоми боздид аз ин марказ Раиси вилоят ба шароити мавҷуда баҳои баланд дода, иқдоми соҳибкорро намунаи ибрат арзёбӣ кард.

 

Манбаъ: сомонаи расмии МИҲД-и вилояти Суғд

Нет комментариев

Также рекомендуем

Радиои маҳбуби мардум — “Тироз” 17-сола шуд!

Дар ҳар давру замон, бахусус, дар марҳилаи соҳибистиқлолии Ҷумҳурии Тоҷикистон нақши васоити электронӣ ва чопии ахбори омма дар иттилоотонии  саривақтии ҷомеа, баланд бардоштани фарҳангу маънавиёти ...