Ширкати Tcell бо ҷоизаи тиллоии “Бренди Сол” мукофотонида шуд

0
330 просмотров

Ширкати Tcell дар озмуни “Бренди сол” дар номинатсияи  “Маҳсулот ва хизматрасониҳои технологияҳои муосир (компютерҳо, барномаҳои компютерӣ, хидматҳои коммуникатсионӣ ва телекоммуникатсия) беҳтарин дониста шуд. Дар маросими ҷоизасупорӣ директори генералии ширкати Tcell Озодхон Давлатшоев ҳузур дошт.

Дар ширкат мегӯянд, «бо шарофати ин эътироф, мо дарк мекунем, ки кушишҳои ҳаррӯзаи мо дар таъмини  муштариён бо беҳтарин хидматрасонӣ бо усулҳои технологӣ барҳадар нарафтааст. Бренд рушд мекунад. Ин  дастгирии амиқ омиле барои рушди беҳтар хоҳад шуд”.

Ин бори дуюм аст, ки ширкат бо  нишони «тилло» сарфароз мегардад. Нахуст чунин  мукофотро ширкат соли соли 2013 гирифта буд.

Бренди Tcell дар бозори байналмилалӣ низ борҳо эътироф ва соҳиби ҷоизаҳо шудааст. Танҳо дар ҳамин сол ширкат бо тарҳи вижаи худ “Коммуникатсияи “ЧӣГап” ба сегонаи беҳтарин лоиҳаҳо дар ду номинатсияи бузургтарин ҷоизаи ҷаҳонии Excellence Awards роҳ ёфт! Он замон лоиҳаи “ЧӣГап” дар қатори 2500 лоиҳаи дигар дар  бисёре аз кишварҳои ҷаҳон пешниҳод шуда буд.

Моҳи ноябр ва декабри соли 2016 лоиҳаи “Открытые форумы” аз Tcell ду мукофоти олии байналхалқиро ба даст овард: “Беҳтарин чорабии таълимӣ”  дар EACA (Event Awards CentralAsia) ва “Лоиҳаи беҳтарини иҷтимоӣ”  дар GlobalEvent Awards эълон шуд. Он замон лоиҳаи «Форумҳои кушод» яке аз беҳтарин аз 84 лоиҳаи аз 11 кишвар барои озмун эълоншуда эътироф гардид. Лоиҳаи “Интернет барои ҳама” аз ширкати Tcell низ дар номгӯи  «Беҳтарин чорабинии  маркетингӣ» -и Ҷоизаи EACA дар 2016  беҳтарин дониста шуд.

Ин сол, мукофоти EACA (EventAwardsCentralAsia), махсус барои лоиҳаи Tcell  “DigitalCamp”, ки лагери инноватсионӣ барои ҷавонон буд, ҷудо карда шуд.

Tcell – ширкати коммуникатсиониест, ки дар бозори Тоҷикистон шурӯъ аз соли 2000 фаъолият мекунад. Дар ҳоли ҳозир ширкат бо 3 миллиён муштарин бузургтарин ширкати мобилӣ дар Тоҷикистон ба шумор меравад.

Ширкат дар кори ҳаррӯза шабакаи худро васеъ менамояд, технологияи пешқадамаро пешкаш менамояд ва хизматрасонии хубро барои муштариён ба роҳ мемонад.  Ҳамчун як ширкати иҷтимоӣ,  Tcell арзишҳои корпоративиро дастгирӣ намуда, барои рушди кишвар тавассути лоиҳаҳои иҷтимоӣ ва иштироки фаъол дар ҳаёти фарҳангии кишвар мусоидат мекунад. Ҳар сол ширкат  як қатор лоиҳаҳои таълимӣ, хайриявӣ, ҷашнӣ ва варзишӣ гузаронида ҳамчунин ҳамкорияшро бо  ташкилотҳои байналхалқӣ ва маҳаллӣ тақвият медиҳад.

Озмуни ҷумҳуриявии “Брандераи сол” таҳти унвони “Қуллаи Шараф”  аз ҷониби Вазорати рушди иқтисод ва савдои Ҷумҳурии Тоҷикистон дар ҳамкорӣ бо бахши хусусӣ ва ташкилотҳои байналмилалӣ гузаронида мешавад.

Соли ҷорӣ барои иштирок дар ин озмун  68 ширкатҳои муваффақ  дархост пешниҳод карда буданд.

Мақсадҳои асосии озмун – ташвиқу тарғиби зарурияти ҳифзи ҳуқуқии тамғаҳои молӣ ва тамғаҳои хизматрасонї дар Ҷумҳурии Тоҷикистон, пайдо ва пешниҳоди намунаҳои самараноки идоракунии бренд, ҳавасмандгардонии ширкатҳо доир ба истифодабарии брендинг ба ҳисоб меравад.

Нет комментариев

Также рекомендуем