Таҳдиди сардии зимистони соли 2008

0
134 просмотров

То фарорасии фасли зимистон рӯзҳои ангуштшумор боқӣ мондаанд. Тавре мутахассисони Идораи обу ҳавосанҷии Тоҷикистон мегӯянд, шадидтарин зимистон дар таърихи кишвар соли 1964-ум ба қайд гирифта шудааст. Мардумро пешгӯии боду ҳавошиносон оид  ба сард омадани зимистони имсола  ба ташвиш гузоштааст. Шаҳрвандон зимистони соли 2008-умро низ  то ҳоло фаромӯш накардаанд, зеро ҳамон сол фасли зимистон бениҳоят сард омада, ҳарорати ҳаво то 20 дараҷа хунук шуда буд. Аксарият онро бо душвориҳои зиёд паси сар намуданд.

Чунин сардшавии ҳавои солҳои қаблӣ моро водор мекунад, ки аз паи захира кардани маводи сӯзишворӣ ва ҳам хӯроквории ғизонок бошем, то ки бо душвориҳои дар ин фасли сол таҳдидкунанда рӯ ба рӯ нашавем.

Номгӯи витаминҳое, ки мо дар ин бахш бароятон пешниҳод мекунем, дар фасли сармо ба шумо кӯмак хоҳанд намуд. Мавод тибқи дастури қадима, аз хушкмеваҳо, чормағз ва асал омода мегардад. Ин омехта хеле болаззат ва муфид аст. Он организми инсонро бо витаминҳои зарурӣ таъмин намуда, иммунитетро дар фаслҳои зимистон ва баҳор мустаҳкам месозад. Илова бар ин, гемоглобинро баланд намуда, фишори хунро мўътадил нигоҳ медорад ва барои  бартараф намудани мушкилиҳои кори дил низ кӯмак мерасонад, зеро дар таркиби он элементи калий зиёд аст.

vitamin

Дастурҳое, ки пешниҳоди шумо менамоем, барои баланд бардоштани иммунитети инсон, бахусус, дар фасли сармо барои кӯдакону калонсолон хеле муфиданд.

  1. Ним пиёла мавиз, ним пиёла зардолуи хушк, ним пиёла олуқоқ, 1 пиёла чормағз, ним пиёла бодом, пӯсти 2 лимў (метавонед чормағзи санавбарро  илова кунед)-ро аз гӯштқиммакунак мегузаронед. Афшураи лимӯро ба омехта илова кунед. Баъдан 150 гр асал ҳамроҳ намуда, ду рӯз дар торикӣ гузоред. Ин омехтаро дар яхдон нигоҳ доред. Калонсолон бояд, ки дар як рӯз 3 маротиба 1-2 қошуқ, кӯдакони то се сола 1 қошуқча дар як рӯз 2 маротиба истеъмол кунанд.
  2. 200 гр зардолуи хушккардашуда, 200 гр анҷир, 200 гр олуқоқ, 200 гр чормағз, 200 гр мавиз ва 1 дона лимӯро аз гӯштқиммакунак гузаронед. Сипас, ба ин омехта 200 гр асал ва 50 мл нӯшокии коняк илова кунеду дохили зарф андохта, дар яхдон гузоред. Маҳлули омодашударо мебояд пеш аз хӯрок, 1 қошуқ истеъмол намуд.

Дар хотир доред!  Маҳсулотро  барои тайёр намудани омехтаи витаминӣ, пештар бояд омода кард. Мавиз, зардолуи хушк ва олуқоқро нағзакак шӯед ва онро дар сачоқи коғазин (салфетка) хушк кунед.

Лимӯро бо оби гарм шуста, онро пора карда, баъдан донакашро ҷудо кунед.

Барои одамоне, ки аз бемориҳои рӯда азият мекашанд, омехта бояд бе лимӯ омода карда шавад. Барои кўдакон аз омехтаи хушкмева, чормағз  ва асал метавонед шириниҳои болаззат тайёр кунед.

Олуқоқ барои бардоштани самаранокии коршоямии инсон кӯмак намуда, кори узви ҳозимаро беҳтар месозад.

Зардолуи хушккардашуда узви биноиро беҳтар намуда, монеаи гардиши хунро дар рагҳо бартараф месозад.  Он дорои витамини А ва магний буда, барои шахсоне, ки мубталои бемориҳои диабети қанд, ғадуди сипаршаклу гиповитаминоз (кам шудани витамин дар организм) мебошанд, хеле муфид аст. Лимӯ бо витамини С ва чормағз  бо витаминҳои С, B1, B2 организми шуморо таъмин мекунанд.

Асал умуман, барои бартараф намудани садҳо намуди беморӣ пешбинӣ шудааст. Он вазифаи узвҳои дохилиро мўътадил, таркиби хунро беҳтар, масъунияти баданро баланд месозад. Асал ба ҷисми инсон нерӯи тоза бахшида, ҳатто аз пиршавии бармаҳал эмин медорад. Ҳамчунин, асал хусусияти зиддибактериявӣ, зиддиилтиҳобӣ ва зиддиалергӣ низ дорад.

Ин маҳсулоти оддие, ки мо бароятон пешниҳод намудем, барои мустаҳкам намудани масъунияти бадани шумо муосидат хоҳад намуд.  Боқӣ, бароятон саломатии бардавом таманно дорем!

Нет комментариев

Также рекомендуем

Пешниҳоди Андиро Зулайхо хуш қабул кард

Зулайхо Маҳмадшоева, сарояндаи попи тоҷик бо суруду таронаҳои дилнишинаш дунёро тасхир намудааст. Консертҳои Зулайхо дар Аврупо, Шветсия ва Москва баргузор гашта, ин зебосанам бад-ин васила ...